Egnatia dhe Dinamo luajnë sot në orën 14:00 për raundin e 10-të në Superligë. Të dyja skuadrat janë në kuotën e 15 pikëve për vendet dy dhe tre, ndërsa kërkojnë të marrin kreun me tri pikë për të kërcënuar Partizanin, që nga ana e vet ka një përballje kundër Vllaznisë.
Në prag të ndeshjes për mediet foli trajneri i Dinamos, Ilir Daja.
“Kemi pasur stabilitet në rezultate 7 javët e fundit. Egnatia është kampione e dyfishtë e sezonit të kaluar dhe një pjesë e të mirë të ekipit e ka edhe këtë vit. Mendoj se është favorite për “Final 4”, ka cilësi dhe lojë të konsoliduar. Ka meritë trajneri Tetova dhe stafi i tij.
Duhet të kemi ritëm të lartë, pasi ata kanë lojtarë që u përshtaten kundërsulmeve të shpejta. Shkojmë të përballemi frontalisht me Egnatian, duke kërkuar maksimumin, edhe pse është shumë e vështirë.
Statistikat? Japin një orientim, por gjërat ndryshojnë, futbolli është bërë shumë dinamik tashmë. Çdo lojtar i mirë që del dhe bën diferencë, ikën në një kampionat më të fortë. Statistikat janë bërë për t’u ndryshuar, kështu që me gjithë respektin që kemi, nuk shkojmë të dorëzuar në Rrogozhinë. Do luftojmë të ruajmë ecurinë pozitive.
Derbi ishte pozitiv, sepse ishte hera e parë që nuk merrnim gol. Në atë ndeshje kishim dhe mungesa, por ata që luajtën bënë mirë. Në pjesën e parë të derbit ishim të konsoliduar në të dyja fazat e lojës dhe kjo është shumë pozitive. I mëshova faktit, sepse ishte pjesa më e mirë që kemi bërë.
Nuk na duhet vetëm ngritja e nivelit fizik. Duhet të administrojmë më shumë topin, që potencial fizik që kemi ta menaxhojmë në një shtrirje më të madhe se 60 minuta.
Fusha e mirë e Rrogozhinës është pozitive për të dy ekipet, terreni i mirë favorizon lojën e bukur dhe spektaklin. Duhet ta shfrytëzojmë, sepse kemi lojtarë teknikë. Por duhet të kemi ritëm që të përballojmë Egnatian’’, tha Daja.
Edhe në këtë ndeshje trajneri Daja do të ketë mungesa, siç janë dy mbrojtësit Rustem Hoxha dhe Mateo Muzek.
Kujtojmë se sot nis java e dhjetë në Superligë me dy duele në orën 14:00. Veç Egnatia - Dinamo, luhet edhe Bylis - Teuta.
Lajme të tjera
-
Tre të mitur hajdutë të monopatinave nëpër Tiranë! Pasi rishiteshin paratë i merrnin prindërit! Policia i gjen 8 skutera elektrikë
27 Tetor, 12:30 -
Bullgaria mban sot zgjedhjet parlamentare! Qendrat e votimit janë hapur dhe në Tiranë, Elbasan, Korçë e Kukës
27 Tetor, 10:59
-
Tiranë/ U gjet i shtrirë në sheshpushimin e një pallati, 31 vjeçari ndërron jetë në spital! Çfarë dimë deri tani
27 Tetor, 10:44 -
Policia Rrugore e Tiranës bën bilancin/ Shpejtësi tej normave, alkool dhe celular në timon! 26 të arrestuar dhe 12.402 gjoba gjatë një jave
27 Tetor, 10:03 -
Alarmi në shkolla për çamçakëzin që përgjum nxënësit? Policia kryen verifikimet: Në pilulën jeshile s'ka prani të lëndeve psikotrope. Ja çfare ka
27 Tetor, 09:39 -
Renditja/ Partizani barazon 2-2 në Shkodër dhe mban kreun, Skënderbeu me dhjetë lojtarë ndal AF Elbasanin! Tirana e bën dramë me Laçin
26 Tetor, 21:30 -
Qendra për fëmijët autik në Tiranë, hapet gara ndërkombëtare për projektin
26 Tetor, 14:10 -
Festivali ndërkombëtar i xhazit, për herë të 13-të në Tiranë! Koncerte me muzikantë nga gjithë bota dhe masterclass-e
26 Tetor, 14:04
-
Plagosja e dyfishtë tek 'Don Bosko' si u identifikua autori 23 vjeçar! Targat e makinës dhe shenjat e gishtave ndihmuan në zbulim! I riu dyshohet të jetë në Shqipëri
26 Tetor, 11:56
-
Sipërmarrësit bashkohen në 'Tirana Slush’D' për të transformuar ekosistemin e startup-eve, Veliaj: Liria për të krijuar dhe guxuar, themeli i suksesit
26 Tetor, 10:27 -
Tiranë/ Vodhi medikamente në një farmaci, tek një tjetër tentoi të grabisë xhiron ditore, arrestohet 35-vjeçari
26 Tetor, 10:13 -
A është ky një konfirmim për ndarje nga Romeo? Heidi Baci lë emisionin dhe ikën në Itali
25 Tetor, 21:29
