Fakti që, fillimisht Ilir Meta, më pas Sali Berisha dhe së fundmi Edi Rama, po kritikojnë SPAK-un, është një shenjë e mirë, pasi tregon se krerët e politikës së Tiranë janë të shqetësuar nga hija e SPAK-ut.
Gjasat janë që kupola politike, në opozitë dhe pushtet, nuk e komandon SPAK-un siç kontrollonte prokurorinë dhe gjykatat para zbatimit të reformës në drejtësi, përmes llallëve, gjin gjonëve, zaganjorëve, fullanëve etj.
Në mes kanë hyrë faktorë të tjerë perendimorë që po luftojnë për të rrëzuar bustet e korrupsionit. Dhe bustet e korrupsionit nuk janë as Koka, as Bllako, as Tahiri, as Tushe, por janë protagonistët e privatizimit të ARMO-s, dosjes CEZ, aferës CEZ-DIA, aferës me hec-et, Gërdecit, 21 janarit, koncensioneve në shëndetësi pas 2013, inceneratorëve, tenderave klientelistë, pronarët e Gjirit të Lalzit, Kodrës së Diellit etj.
Por, ka disa rrethana dhe fakte që të bëjnë të besosh se kreu i SPAK-ut, Arben Kraja, është nën komandën e Ilir Metës, dhe për rrjedhojë edhe të Sali Berishës, pra të binomit anti-SHBA, anti-reformë dhe pro korrupsion.
Cilat janë këto rrethana dhe fakte?
Vitet 2000-2002, kur Fatos Nano i besoi drejtimin e qeverisë Ilir Metës, njihen si vitet e modernizimit të korrupsionit në Shqipëri.
Për herë të parë, vetë Partia Socialiste që qeveriste vendin, opozita natyrisht, prokuroria dhe ndërkombëtarët., denonconin korrupsionin e frikshëm të qeverisë Meta.
Si për ironi, qeveria Meta kishte një njësi anti-korrupsion, e cila drejtohej pikërisht nga Arben Kraja, sot drejtues i SPAK-ut.
Arben Kraja kishte shef Ilir Metën, i perceptuar dhe i akuzuar nga Sali Berisha dhe Fatos Nano si një nga kryeministrat më të korruptuar në kontinent.
Arben Kraja është dëshmitari kyç i korrupsionit historik të viteve 2000-2002, nën drejtimin e Ilir Metës.
Korrupsioni i viteve 2000-2001 është trualli ku u ngrit LSI-ja tre vite më vonë, në 2005.
Së dyti, kreu i SPAK është komshi me vilë në Gjirin e Lalzit, me Ilir Metën dhe Sali Berishën. Gjiri i Lalzit, ju e dini, simbolizon korrupsionin me kollare në Shqipëri
Simbolizon unitetin mes kokave të korrupsionit, në kuptimin e mbrojtjes nga ndëshkimi, i territorit të përbashkët, i familjarizimit të fëmijëve dhe i ruajtjes së plaçkës së vjedhur.
Simbolizon investimin e parave dhe pasurive të publike të vjedhura, në një fshat me vila perandorake, mes pishave dhe buzë detit, blinduar me mure, roje dhe kamera.
Sa herë Arben Kraja ka fjetur në vilën e tij në Gjirin e Lalzit, është zgjuar mes një prove verbuese krimi, kur politikanë pa biznese, pa prona të trashëguara, dikur me pantallona doku, me çerek apartamenti në pallatet parafabrikat, me një pardesy të bardhë apo me një Golf 2, kanë ngritur vila që kushtojnë disa milionë euro.
Mes tyre është edhe Ilir Meta dhe aleati i tij i shpallur non grata për korrupsion nga SHBA, Sali Berisha, dhëndri i të cilit me vetëm 40 mijë euro kursime në vitin 2006 dhe trashëgimtar i pretenduar i 140 m2 tokë, arriti të bëhej pronar me 35-50 % i 20 kullave në mes të Tiranës.
Ilir Meta dhe Monika Kryemadhi, pa futur dorën në xhep, u bënë pronarë i një apartamenti 400 mijë euro në Tiranë, i një pallati me vlerë miliona euro në Laprakë dhe i vilës në Gjirin e Lalzit.
(Nuk po i konsiderojmë gojët e liga që flasin për milirda euro të fshehura në parajsa fiskale.)
Çfarë kallëzimesh kërkon Arben Kraja për të nisur hetimet?
Çfarë kallëzimesh kërkon Arben Kraja kur ligji procedural penal parashikon nisjen e hetimeve kryesisht kur indiciet dhe fakti penal të verbon sytë?
Përgjigjet duhen kërkuar pikërisht në vitin 2001.
Komente
Lajme të tjera
-
'SPAK po tregon se askush nuk është mbi ligjin', Lapardhaja: Berisha rrënoi PD, deputetët 'luftë' për karrige të sigurt në Kuvend
29 Dhjetor, 12:53 -
‘Rama është koka e korrupsionit’, Basha: Shqipëria ka nevojë për ndryshim dhe një qeveri që lufton seriozisht korrupsionin që e ka bërë vendin të pajetueshëm
28 Dhjetor, 21:20 -
'Jam i qetë dhe i vendosur', Rama komenton punën e SPAK dhe rastin e Veliajt: Hetimi s’e bën fajtor! Gjyqet s’bëhen në media
28 Dhjetor, 18:20 -
Mori 3000 euro për të favorizuar një të pandehur, SPAK vendos masën 'arrest në burg' për oficerin e policisë gjyqësore në Dibër
28 Dhjetor, 15:54 -
'I tha se u arratis'/ Veliaj i përgjigjet Berishës: O Sali, o kërmë! Po shkoj në SHBA për takime s'jam Non Grata, as legen si ti! Pis burrë
28 Dhjetor, 14:37 -
Kokaina nga Amerika Latine në Shqipëri në lëkurë gjedhësh, Apeli GJKKO burg 10 të arrestuarve! SPAK ndoqi në heshtje trafikun
28 Dhjetor, 13:23 -
Në hetim për korrupsion e pasurinë, Meta fushatë nga qelia me facebook, përdor arkivën e fotove të takimeve kur ishte president
28 Dhjetor, 12:43 -
Ilir Yzeiri: Drejtësia si regjim, rasti Veliaj
28 Dhjetor, 11:20
-
Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!
27 Dhjetor, 20:03 -
Alibeaj në Report Tv: Berisha ka mbetur me mjeranë, bashkë me Ramën kundër SPAK! I hap ‘derën’ Bashës për koalicion
27 Dhjetor, 19:13 -
Namir Lapardhaja: Shënime nga Çmendina!
27 Dhjetor, 18:40
-
Debat në ‘Studio LIVE’, Demalia: Asnjë fajtor për Gërdecin! Kur do bëhet drejtësi, kur të vdesë Berisha? Merkoçi: SPAK s'merret me hetime anonime
27 Dhjetor, 17:55
Kush e zgjodhi Krajen neve? Ke harruar per te thene qe banon ne pallatet e ndertuara nga Tan Lepuri, shoku i ngushte i Monikes dhe 20% i Edi Rames kur ishte kryetar bashkie.
PërgjigjuEdi Rama e ka kerkuar hapur 20% nga ndertuesit, per te zgjidhur te pastrehet dhe ata qe mbeteshin pastrehe per arsye te rregullimit te qyteteve, nuk e ka kerkuar per vete.
Faleminderit per informacionin Adriatik Doci.
PërgjigjuBravo Adriatik - si gjithnje guximtar. Bravo patriot.Mos u lodh me me Krajen e shitur. Duhet nje SPAK tjeter. Ky aktual krejt i korruptuar.
Përgjigju