TIRANE- E denoncoi si një vjedhje hard disku në partinë e tij të lënë pa roje prej vitesh, por para prokurorisë së Tiranës Ilir Meta nuk la dot pa përmendur SPAK.
“I gjithë procesi mafioz për të kapur edhe vulën e Partisë së Lirisë duhet që është si rezultatet së trios Rama-Agaçi-Dumani. Kaq” deklaroi sot Meta.
Kur e bëri publik kallëzimin, 29 mars 2024, Ilir Meta foli për një hard disk DVR të zhdukur në Partinë e Lirisë dhe ndërhyrje në komunikime të brendshme, dhe denoncimin e bëri si vjedhje. Report Tv raportoi dyshimet se gjithçka mund të lidhje me hetimet e SPAK, dhe veprime për të marrë informacion në zyrën e Metës.
Në padi Ilir Meta thotë se qëllimi i marrjes së pajisjes DVR “ka qenë vjedhja e rrjetit të komunikimeve elektronike me të” dhe i kërkon prokurorëve të zbulojnë autorët e kësaj 'ngjarje kriminale' sipas tij dhe se cilët janë personat e interesuar për të dhënat elektronike të partisë.
Megjithatë sot me përmendjen e kreut të SPAK, Altin Dumani, Meta konfirmoi raportimin e Report Tv se ‘vjedhja’ e denoncuar nuk i ngjason aspak një të tille, por ngre dyshime se ndryshimin e hard diskut dhe ndërhyrjen në linjën e komunikimit mund ta ketë bërë SPAK, në kuadër të një hetimi ndaj kreut të Partisë së Lirisë. Në mesin e këtij misteri, Ilir Meta ka zgjedhur të luajë kartën e vjedhjes dhe angazhimin e prokurorisë në kërkim të një hajduti, për t’i treguar SPAK-ut se në fakt i ka zbuluar.
Një muaj e gjysmë pas kallëzimit Ilir Meta u pyet sot për rreth 40 minuta në prokurori, ndërsa deklaroi se nuk pret që të zbardhet. Duke mos dhënë asnjë detaj tjetër Meta, me një trëndafil në dorë, u ankua për mure të palyera dhe ashensor që nuk punon në Prokurorinë e Tiranës.
“Është e rëndësishme, është bërë kallëzimi, jam i bindur se nuk mund të ndodhë në një vend ku gjithçka është kapur nga Edi Rama. Jam shokuar nga gjendja e Prokurorinë e Tiranës, një gjendje e tmerrshme. Mal me dosje, nuk kanë ku t’i arkivojnë. Një ashensor që nuk punon, zbrita nga shkallë. Një situatë shumë e rëndë. Komisioni i ligjeve të vijë këtu të shikojë gjendjen” tha Meta.
Përmes kallëzimit, kreu i Partisë së Lirisë, denoncoi një vjedhje që sipas tij ka ndodhur brenda selisë, të DVR-së (hard diskut) me pamje të kamerave të sigurisë, episod që siç shkruhet në kallëzim pretendohet të ketë ndodhur më 6 mars pak para mesnate, në orën 23:40. E çuditshmja në kallëzimin që shfaqet si vjedhje e një pajisje elektronike, është fakti se personat e paautorizuar, që sipas Metës, kanë arritur të futen gjatë natës në selinë e partisë, kanë vendosur një tjetër DVR të re.
Kreu i PL-së Ilir Meta doli me trëndafil në dorë nga Prokuroria e Tiranës ku ishte për kallëzimin e tij për vjedhjen e serverave në selinë e Partisë së Lirisë. Në dalje ai tha se gjendja e prokurorisë është skandaloze në infrastrukturë e male me dosje.
'Jam shokuar nga gjendja në Prokurorinë e Tiranës. Nuk kanë ku ti arkivojnë dosjet. Zbrita nga shkallët. Nuk punon ashensori. Duhet që deputetët të vijnë këtu. Është Ramaforma, kujdeset për kushtet për 3-4 prokurorët te SPAK që i ka kapur në xhep Ëngjëll Agaçi. Mal me dosje. Do bëjmë thirrje e kanë lënë në gjendje të mjeruar. I gjithë procesi mafioz për të kapur edhe vulën e PL-së është rezultat i treshes Rama-Agaçi-Dumani', tha Meta pas daljes nga Prokuroria.
Sakaq, Meta pas dëshmisë akuzoi Ramën se po tenton t’i rrëmbejë vulën e PL-së, teksa në Prokurori u thirr për të dhënë sqarime në lidhje me kallëzimin e bërë për ndërhyrje në sistemin e serverëve të Partisë së Lirisë më datën 6 mars.
Komente
Lajme të tjera
-
Pastruan 11 mln euro para krimi nga parajsat fiskale, 2 në pranga! Paratë transferoheshin në Shqipëri e pastaj në Kanada me kompani fiktive (EMRA + FOTO)
20 Dhjetor, 08:56 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16
Del Merkel ne Gjermani vetëm kurse ky trahanathari dashka bodyguard. Mos u mërzit se ne burg so i shijojnë te tjerët leket e tua
Përgjigju