POP 5

Lajmet më të lexuara të 5 minutave të fundit

Politikë

Ina Rama: Unë deputete e PS? 
Do jem pjesë e sistemit gjyqëso

Ish-prokurorja e Përgjithshme, Ina Rama, e cila la detyrën në këtë post janarin e këtij viti, ka përgënjeshtruar deklaratat e PD se do të kandidohet si deputete PS . Rama: Kam çuar kërkesë në KLD për emërimin në Gjykatën e Apelit Tiranë.
Ina Rama: Unë deputete e PS? <br />Do jem pjesë e sistemit gjyqëso
TIRANE – Ish-prokurorja e Përgjithshme, Ina Rama, e cila la detyrën në këtë post janarin e këtij viti, ka përgënjeshtruar deklaratat e Partisë Demokratike se do të kandidohet si deputete për Partinë Socialiste në zgjedhjet e 23 Qershorit. 

Nëpërmjet një njoftimi për shtyp, ish-kryeprokurorja sqaron se menjëherë pas përfundimit të mandantin të saj në Prokurorinë e Përgjithshme, ka çuar një kërkesë në Këshillin e Lartë të Drejtësisë me qëllim për t’i propozuar Presidentit Bujar Nishani, emërimin e saj në Gjykatën e Apelit të Tiranës. 

Ina Rama thekson në deklaratën e shpërndarë për media, se nuk ka asnjë qëllim për t’u përfshirë në politikë, por veçse të vazhdojë rrugën në profesionin e saj si pjesë e sistemit gjyqësor.

“Pas përfundimit të ushtrimit të funksionit të Prokurorit të Përgjithshëm, në mesin e muajit janar, kam paraqitur zyrtarisht pranë Këshillit të Lartë të Drejtësisë një kërkesë për t’i propozuar Presidentit të Republikës emërimin tim si gjyqtare në Gjykatën e Apelit Tiranë. Për këtë kërkesë gjithashtu kam bërë me dije zyrtarisht edhe Presidentin e Republikës, Z. Bujar Nishani. Kjo kërkesë është mbështetur në garancitë që jep neni 7 i ligjit “Për Organizimin dhe Funksionimin e Prokurorisë në Republikën e Shqipërisë”, për Prokurorin e Përgjithshëm që mbaron mandatin e tij kushtetues dhe në faktin që para kësaj detyre, kam ushtruar funksionet e gjyqtares së Gjykatës së Apelit për Krime të Rënda. Neni 7/1.3 i ligjit parashikon se “Pas përfundimit të mandatit, me pëlqimin e tij, ai ka të drejtë të emërohet në funksionin e prokurorit në Prokurorinë e Përgjithshme ose në vendin e mëparshëm apo në një vend të barasvlefshëm me vendin e mëparshëm. 

Përtej të drejtave që jep ligji i mësipërm, kjo kërkesë mbështetet në vullnetin tim për të vazhduar dhe ndjekur profesionin tim, brenda sistemit gjyqësor, pjesë përbërëse e të cilit kam qenë që nga fillesa e karrierës time. Këto fakte tregojnë qartë për mungesën e interesit tim për t’u përfshirë në ndonjë projekt politik dhe për ekzistencën e plotë të dëshirës sime për të mbetur pjesë e sistemit të drejtësisë. Për më tepër mbetem në pritje që Presidenti i Republikës dhe Këshilli i Lartë i Drejtësisë, ta trajtojnë këtë çështje dhe të marrin një vendim lidhur me kërkesën që kam paraqitur”, thekson Ina Rama duke përgënjeshtruar deklaratën e Partisë Demokratike. 

Nëpërmjet Laura Vorpsit, zëdhënëses së partisë, PD tha sot se kishte informacione nga burime brenda Partisë Socialiste, se Rama do të kandidonte Ina Ramën, e cila sipas PD “e mbrojti atë si avokate në hetimin si kryeorganizatori i puçit të 21 Janarit”, për deputete në zgjedhjet paralamentare.

Reagimi i Partisë Demokratike erdhi pas prezantimit nga lideri i opozitës Edi Rama, të ish-kreut të KQZ-së, Ilirjan Celibashi si kandidat për Fierin në zgjedhjet e përgjithshme parlamentare të 23 Qershorit. 

Redaksia Online
(Gre.M/Shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

'Daily Express': Shqipëria, vendi i vogël evropian më i bukur se Greqia dhe Kroacia

'Daily Express': Shqipëria, vendi i vogël evropian më i bukur se Greqia dhe Kroacia

27 Nëntor, 07:33