Deputetja demokrate Ina Zhupa i ka bërë thirrje Gjykatës Kushtetuese që të përcaktojë një datë për të shqyrtuar padinë e bërë prej tyre lidhur me mandatin e kryetarit të Akademisë së Shkencave, Skënder Gjinushi.
Zhupa thotë se është bërë dy muaj që kur ka dorëzuar padinë por ende nuk ka një reagim nga Gjykata Kushtetuese, ndërsa hedh sërish akuza kundrejt Gjinushit se po e drejton Akademinë e Shkencave në mënyrë të paligjshme dhe se e ka kthyer në një institucion të politizuar.
DEKLARATË E DEPUTETES SË PARTISË DEMOKRATIKE, INA ZHUPA
Në datën 21 dhjetor 2022 në emër të 28 deputeteve, pra 1/5 së deputetëve të Kuvendit siç kushtetuta parashikon kam dorëzuar në Gjykatën Kushtetuese kërkesën për shpalljen e papajtueshëm me kushtetutën të zgjedhjes dhe mandatit të Skënder Gjinushit në krye të akademisë së shkencave si dhe interpretimin përfundimtar të nenit 92, gërma "g" të Kushtetutës për kompetencën e presidentit për të dekretuar kryetarin e akademisë sipas ligjit.
Sot po bëhen fiks dy muaj dhe ne presim ende që Gjykata Kushtetuese të na njoftojë sipas rregullave datën e shqyrtimit të çështjes në themel, e cila do duhet të zhvillohet në prezencë të palëve dhe parashtrimeve të tyre, natyrshëm përmes zhvillimit të një seance plenare publike. Sepse transparenca dhe publiciteti janë mjetet kryesore jo vetëm të nevojshme në këtë rast, por dhe rrisin përgjegjshmërinë e trupave gjyqësore në ketë rast GJ.Kushtetuese.
1/5 e Deputeteve të Kuvendit, janë subjekt i pakushtëzuar që sipas kushtetutës nuk kanë nevojë të arsyetojnë se çfarë i lidh ata me çështjen në fjalë dhe as mund të vlerësohen apo të kalojnë në procedura legjitimimi. Kjo sepse janë pikërisht ata deputetet e Kuvendit të Shqipërisë, organi më i lartë vendimmarrës në një republikë parlamentare përfaqësues të drejtpërdrejtë të vullnetit të qytetarëve dhe interesi i tyre është i legjitimuar pa asnjë dyshim.
Akademia e Shkencave është duke funksionuar në antikushtetushmeri e paligjshmëri, duke cenuar rëndë integritetin dhe rëndësinë kombëtare që ajo ka për vendin. Skender Gjinushi po përgatitet në mënyrë po extra ligjore që ti japi vetes një mandat të dytë duke shfrytëzuar anëtaret e kooperativave të dikurshme.
Dhe çdo vonesë apo pengesë në shqyrtimin e çështjes në Gjykatën Kushtetuese, nuk është shenjë e mirë e natyrshëm do duket sikur lidhet me parapërgatitjet për rikapjen politike dhe antikushtetuese të GJK. Shkenca dhe akademikët e vërtetë kanë nevojë për frymëmarrje, nuk kanë nevoje për politikë në forumet drejtuese të tyre, kanë nevojë për një vendimmarrje të shpejtë dhe të themeltë nga Gjykata Kushtetuese, pasi kjo i çliron ata nga presioni i madh politik ku ndodhen, të vetëm dhe pa asnjë mbrojtje ligjore.
Gjykata kushtetuese ka detyrim që të tilla çështje ti marr në shqyrtim, pa vonesa, dhe të reagojë për ti dhënë vendit një akademi që funksionon në mënyrë ligjore. Mbetemi në pritje të njoftimit për seancën plenare publike prej Gjykatës Kushtetuese, për ta çliruar Akademinë, nga kthetrat e ministrave të diktaturës komuniste.
Lajme të tjera
-
Gazetari Elton Qyno paraqitet në SPAK, i kthejnë telefonin e të birit
1 Nëntor, 15:18 -
PD çon Ligjin për ‘Zonat e Mbrojtura’ në Kushtetuese, Zhupa për Report TV: Kthehen në beton, s’është politikë! S’mund të shndërrohen në vilat e oligarkëve
1 Nëntor, 14:42 -
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Dorëheqja e Elsa Toskës nga Gjykata Kushtetuese! KLGJ mblidhet nesër, shqyrton kandidaturat
31 Tetor, 22:19 -
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Dorëheqja e Elsa Toskës nga Gjykata Kushtetuese, Kuvendi shpall listën me 10 kandidatë (EMRAT)
30 Tetor, 15:15 -
Padia e Dashamir Shehit për ndryshimet e Kodit Zgjedhor, Kushtetuesja cakton 26 Nëntorin për dëgjesë publike! (DOKUMENTI)
29 Tetor, 09:49 -
PD kundërshton pr.ligjin për kërkimin shkencor, Zhupa: Cënon Kushtetutën! Zhbën titujt e gradave të profesorëve
28 Tetor, 12:19 -
Vakanca në Gjykatën Kushtetuese rrezikon të 'hedhë në erë' skemën e ripërtëritjes
28 Tetor, 08:34
-
Prishtinë/ Delegacioni i Gjykatës Kushtetuese merr pjesë në Konferencën e dytë vjetore të Forumit të Gjykatave Kushtetuese të Ballkanit
24 Tetor, 16:45 -
'Konflikt interesi', Berisha kërkon përjashtimin nga çështja e tij të partneres së Enkelejd Alibeajt, gjyqtare e 'Kushtetueses'
24 Tetor, 16:27 -
Kërkimi shkencor/ Zhupa: Bie ndesh me Kushtetutën, Shqipëria shkon drejt regresit në fushën e shkencës
18 Tetor, 19:36
