Inati i ish-të dashurës që i bëri 'gropën' McGonigal, rrëfimi: Më jepte dhurata nga 500-1000 dollarë! Kryenim marrëdhënie intime në makinat e FBI

Inati i ish të dashurës Allison Guerriero bëri që të niste hetimi ndaj ish zyrtarit të FBI, Charles McGonigal. Ajo ka rrëfyer se si i gjeti një shumë të konsiderueshme prej 80 mijë dollar në cantë dhe si përdorte makinat e FBI për të kryer marrëdhënie intime. Allison Guerriero vendosi që ta spiunonte pasi ai i dërgoi një letër anonime ku i thoshte se nuk do të divorcohej nga gruaja, ndonëse për një vit lidhje e mashtronte se kishte nisur procedurat e divorcit.

Guerriero ishte 44 vjeç kur u takua me McGonigal, atëherë 49 vjeç dhe sapo kishte nisur punën e tij në zyrën e FBI në Nju Jork. Gjatë një viti lidhje, e conte në restorante luksoze dhe nuk kursente dhuratat e shtrenjta përfshirë  shifrat e parave nga 500 deri në 1000 dollarë, të cilat ia jepte për ditëlindje e Krishtlindje.

Pasi u diagnostikua me kancer gjiri, McGonigal e mbështeste dhe kujdesej që të merrte trajtim mjekësor por vijonte ta mashtronte për ‘letrat e divorcit’. Historia e tyre përfundoi në fund të vitit 2018 kur mori letrën.

LEXO EDHE:
Takimi me shqiptarët në New York, Basha: Rama sot u kthye te ‘vendi i krimit’, aty ku korruptoi Charles McGonigal! Berisha: Duhet të pritet me protesta

“U trondita. Isha shumë e dashuruar me të dhe isha shumë e lënduar”, tha Guerriero, inati i së cilës arriti që t’i dërgonte një email kreut të FBI në Nju Jork, William Seeeney, të cilit i tregoi lidhjen jashtëmartesore me ish zyrtarin e FBI dhe marrëdhëniet e tij në Shqipëri. Guerriero i tregoi Insajderit se e kishte fshirë e-mailin, e ndërsa theksojnë se nuk e kanë të konfirmuar se ky njoftim i ka shkuar Seeeney.  Por në nëntori 2021, kur po hetohej McGonigal, 2 agjentë u shfaqën në derën e Guerrieros me fotografinë e ish zyrtarit të FBI dhe kryeministrit Edi Rama për të mësuar rreth marrëdhënies së tyre, por nuk dihet se cfarë i ka thënë.                  

Në rrëfimin e saj, kujtoi mëngjesin e tetorit 2017. Guerriero tregoi se vuri re diçka të pazakontë në dyshemenë e apartamentit të të dashurit të saj në Park Slope, Brooklyn, një çantë plot me 80 mijë dollarë. Atje, pranë këpucëve të tij, ishte një qese që japin dyqanet e pijeve dhe brenda kishte tufa me kartëmonedha, prerje të mëdha.

“Nga dreqin vjen kjo?” pyeti ajo.

“Oh, të  kujtohet ajo loja e bejsbollit? Vura një bast dhe fitova” u përgjigj McGonigal, sipas kujtimeve të Guerriero.

Nuk dihet nëse këto para janë ato për të cilat flitet se i ka marrë nga biznesmeni shqiptar, ish agjenti i Inteligjencës Shqiptare, Agron Neza por sipas 'Bussines Insider', çantën plot me 80 mijë dollarë e mori më 5 tetor 2017 në një makinë të parkuar jashtë një restoranti.

Ish-agjenti i lartë i FBI-së Charles McGonigal  po përballet me dy akuza në Shtetet e Bashkuara të Amerikës, një në Nju Jork dhe një në Uashington D.C., ku në rastin e parë akuzohet se ka ndihmuar Oleg Deripaska, një oligark rus nën sanksione, me qëllim që të hiqet nga lista e biznesmenëve të sanksionuar nga qeveria e Shteteve të Bashkuara. Akuza tjetër lidhet me 2 shqiptarë, pasi zyrtari i lartë i FBI, po hetohet për marrjen 225 mijë dollarëve nga shqiptaro-amerikani Agron Neza, ish agjent shqiptar i inteligjencës, dhe mosdeklarim të tij, për të cilin ky i fundit pretendon se ia ka dhënë borxh.

TAG:
• Charles McGonigal
• Dosja e zyrtarit te FBI
• allison guerriero

Sondazhi i ditës:

Si ka qene per ju viti 2024?

• I mire

  44.1%

• I keq

  22.7%

• As i mire as i keq

  33.2%

Vota total: 1509

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq