X

POP 5

Lajmet më të lexuara të 5 minutave të fundit

Kultura

Inaugurohet pas restaurimit mozaiku 42-vjeçar i Muzeut Kombëtar! Një milion euro investim nga Bashkimi Evropian, 2 vjet punë

Inaugurimi i Mozaikut të restauruar të Muzeut Historik, në praninë e ambasadores së BE-së Christiane Hohmann shënoi fillimin e Javës së Evropës që do të mbahet në 10 ditë në të gjithë vendin. Gjatë aktivitetit ministrja e kulturës iu përgjigj edhe ideve për heqjen e mozaikut, ku tha se polemikat nuk mund ta fshijnë historinë.

Me kërcim e këngë, traditën e modernen të kapur dorazi, Java Evropiane nisi rrugëtimin në zemër të Tiranës. 42 vite pasi u vendos aty, Mozaiku "Shqipëria" u shpalos këtë të martë i restauruar në Muzeun Kombëtar, nën 'yjet' e flamurit të Bashkimit Evropian...

Restaurimi kërkoi dy vjet kohë, thuajse sa u desh për realizimin e tij fillstar nga 5 autorët Josif Droboniku, Vilson Kilica, Anastas Kostandini, Agim Nebiu dhe Aleksandër Filipi. Tre të fundit ishin të pranishëm në inaugurim. Punimet u financuan me një fond prej 1 milionë euro nga Bashkimi Evropian, me  123 tone ngjyrash, ku u përdorën gurët e gjetur në po të njëjtën fabrikë në Venecia ku u prodhuan origjinalët.

Simbolikat e diktaturës, në yllin e kuq e librin e partisë, Mozaikut ia hoqi demokracia, e madje vetë autorët, por polemikat sërish nuk munguan, kërkohej asgjësimi i tij nga Muzeu. Ripunimi I Mozaikut i hap rrugën restaurimit të plotë të Muzeut Historik.

Nën moton "Aftësitë tuaja, e ardhmja juaj" Java Evropiane bëri bashkë disa nga zërat më të dashur për publikun... Përgjatë këtyre dhjetë diteve që pasurohen me një sërë aktivitetesh e panairesh, do të prek 7 qytete të Shqipërisë... ku do të evidentohen edhe të rinj të talentuar.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Saci i Tirones: 17/05/2023 18:41

    Tani qe,dalngadale po' rehabilitihet fashizmit,mos harroni ta filloni restaurimin me flamurin me kryqin e thyer dhe sopatat e Musolinit.Duhet te ndricohet periudhe e lavdishme e tyre ne shqiperi

    Përgjigju
  • Flamurtari i Vlores: 17/05/2023 17:10

    Po turp ca restaurimi more ai do hequr fare do lënë bosh ai vend, ai mozaik është turpi dhe shëmtira e Tiranes

    Përgjigju
    • Llesh: 17/05/2023 17:36

      Ti je bastard o flamurtare leshi. Fuck

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

20 milionë lekë për ekipin fitues, 'Final 4' shpërblehet nga FSHF-ja! Përfiton edhe kampioni i Kupës së Shqipërisë

20 milionë lekë për ekipin fitues, 'Final 4' shpërblehet nga FSHF-ja! Përfiton edhe kampioni i Kupës së Shqipërisë

16 Prill, 15:37