Presidenti i FIFA-s, Gianni Infantino, ka reaguar ndaj kritikave për çmimet e biletave të Kupës së Botës 2026, duke theksuar se kërkesa mbetet shumë e lartë dhe shumica e tyre tashmë janë shitur.

Në fjalimin para Kongresit të FIFA-s, Infantino deklaroi se: “Ne kemi shitur 100 % të biletave që kemi nxjerrë në shitje, që është rreth 90 % e totalit deri më tani. Dhe sigurisht, ne vazhdojmë të lëshojmë bileta të tjera në treg.”

Ai iu referua gjithashtu debatit për çmimet, duke shtuar: “Sigurisht, ka bileta të shtrenjta dhe ka edhe bileta më të përballueshme. Dhe gjëja e rëndësishme është që të gjitha të ardhurat që gjenerojmë globalisht të kthehen tek ju, të kthehen në të gjithë botën dhe të financojnë futbollin në të gjitha vendet tuaja”, theksoi Infantino.

Më herët gjatë javës, FIFA njoftoi një mbështetje shtesë financiare për ekipet pjesëmarrëse në turne, duke premtuar 100 milionë dollarë shtesë për të ndihmuar në përballimin e kostove të larta. Po ashtu, Këshilli i FIFA-s ka miratuar një rritje prej 2 milionë dollarësh në pagesat bazë për secilën federatë, duke e çuar shumën minimale në 12.5 milionë dollarë. Organi drejtues pret që turneu të gjenerojë të ardhura prej të paktën 11 miliardë dollarësh.


Lajmi kryesor:

Infantino konfirmoi Iranin në Botëror, Trump: Nëse e thotë ai, është në rregull për mua! Zyrtarët iranianë kthehen pas nga Kanadaja