Infrastruktura rrugore e rrënuar
banorët e Mirditës rrezikojnë izolimin

Fshatrat e Mirditës rrezikojnë të izolohen plotësisht, për shkak të amortizmit të rrugëve që i lidh ato me qendrën e Rrëshenit. Mungesa e investimëve në këto segmente rrugore ka sjellë degradimin e plotë të tyre, duke bërë që në këto rruge banorët të lëvizin vetem me mjete të rënda.



Kjo situatë ka sjellë paralizimin e jetes së banorëve që jetojnë në këto zona, ndërsa më e vështirë situata parqitet për të sëmuret të cilët për të marrë shërbimin mjekësor ju duhet të ecin me orë të tëra.



Banoret e fshatrave të Mirditës thonë se nuk është vënë dorë prej dekadash në këto akse rrugore, ndërsa sëfundëmi ka munguar edhe mirëmbajtja e tyre.



Sipas Banorëve në shumë raste kanë ndërhyrë ato vetë në riparimin zhbllokimin e rrugës, pasi ka munguar vëmendja e pushtetit vendor.



Gjendjen në fshatrat e Mirditës e ka inpsektuar edhe deputetja e Zonës Albina Deda. Sipas sajë pushteti vendor dhe qëndror e ka braktisur këtë zonë, duke i lënë këta banorë në mëshirë të fatit.


 
E njëjta situatë paraqitet në të gjitha rrugët që lidhin Njesitë Administrative me qytetin e Rrëshenit, ku gropat e mëdha me ujë dhe rrëshqitje dherash në disa vende janë panorama që të sërviret. 



Redaksia Online
(F.T/shqiptarja.com)