POP 5

Lajmet më të lexuara të 5 minutave të fundit

Kronikë

Instalohet sistemi i FBI për ADN-në 
Çako e Lu certifikojnë ekspertët 

Policia e Shtetit, instaloi sot në ambientet e Institutit të Policisë Shkencore, sistemin e CODIS si bazë e të dhënave të AND-së. 
KODIS, është instaluar për herë të parë nga FBI-ja dhe ka ndihmuar këtë agjenci në zbardhjen e mijëra krimeve. Ky projekt është realizuar me mbështetjen e Ambasadës Amerikane dhe të FBI-së.  FOTO  VIDEO
TIRANE - Policia e Shtetit, instaloi sot në ambientet e Institutit të Policisë Shkencore, sistemin e CODIS si bazë e të dhënave të AND-së. 
KODIS, është instaluar për herë të parë nga FBI-ja dhe ka ndihmuar këtë agjenci në zbardhjen e mijëra krimeve. Ky projekt është realizuar me mbështetjen e Ambasadës Amerikane dhe të FBI-së.

Sot në ambientet e Institutit të Policisë Shkencore u krye edhe ceremonia e certifikimit të tetë ekspertëve biologë. Të pranishëm ishin ambasadori Lu, kreu i Policisë, Haki Çako, përfaqësues të FBI. 

"Si çdo herë, dhe kësaj radhe  SH.B.A, po tregon një vlerësim dhe kujdes të veçantë në  mbështetjen që i kanë dhënë e po i jep  Policisë së Shtetit, në modernizimin e saj me teknologji e trajnime brenda standarteve të partnerëve ndërkombëtarë.
Në këtë kuadër, ne vleresojmë sot instalimin e Sistemit CODIS, i cili është një Sistem i Kombimuar i Indeksit të AND-së, dhe lejon identifikimin e vërtetë të të dyshuareve, personave të humbur apo personave të tjerë që bëhen objekt hetimi i organeve të zbatimit të ligjit.
Lufta kundër krimit të organizuar, terrorizmit, krimeve të rënda e korrupsionit është  një nga prioritet  kryesore të Policisë së Shtetit.
Të gjithë jemi të vetëdijshëm se kjo është një betejë e vështirë që kërkon punë të palodhur dhe bashkëpunimin e të gjitha strukturave ligjzbatuese.
Drejtoria e Policisë Shkencore, aktualisht është vendosur së fundmi në dy godina të tjera, me hapësira më të mëdha, zhvendosje e realizuar në një kohë të shkurtër dhe me fonde minimale.
Sigurisht që ka ende punë për të bërë, për të rritur cilësinë e kushteve të akomodimit të laboratoreve, për të qenë sa më funksional në  punën e tyre.
Unë personalisht kam treguar interes dhe jam njohur me këto investime  që synojnë në  ngritjen e kapaciteteve të Policisë Shkencore për të zbuluar me metoda bashkëkohore  shkencore, autorët e veprave penale.
Vendosja e sistemit CODIS, është një arritje tjetër e bashkëpunimit me partnerët tanë strategjikë  dhe këto investime do të  sigurojnë infrastrukturën e nevojshme për hapat drejt proçesit të akreditimit të Policisë  Shkencore, drejt  zbatimit të standarteve “ISO 9001” e më pas drejt standardeve më të larta si “ISO 17020” e “17025”.
Instalimi dhe udhëzimi për përdorimin e kësaj banke të dhënash nga FBI, do të përmirësojë aftësitë hetimore të Policisë së Shtetit, si dhe do të ndihmojë e mbështesë organet e tjera të zbatimit të ligjit përsa  i takon indentifikimit gjatë  hetimeve të tyre.
Me këtë  rast,  përshëndes dhe oficerët që janë trajnuar duke  i uruar suksese në punën e tyre, dhe dua ti kujtoj se, ata patën fatin që janë të  parët  që do punojnë  me këtë teknollogji moderne, prandaj u del për detyrë që  gjithnje të rrisin perpjekjet per aftesimin teorik e praktik, duke dhënë kontributin e tyre në punën e vështirë të administrimit të provave shkencore.
Edhe një herë dua të falenderoj kontribuesit  e këtij investimi serioz që bëhet në Policinë e Shtetit, dhe dua ti siguroj që ky investim do të ndikojë fuqishëm në rritjen e kapaciteteve hetimore të policisë në luftë kundër kriminalitetit në gjithë format e shfaqjes së tij," - tha Çako.

adn
Foto të tjera

Baza e të dhënave të FBI-së për AND-të e instaluar këtu në Shqipëri mund të ketë akses në informacionin e AND-ve prej 190 laboratorëve në 50 vende përqark botës. Kjo bazë ka ndihmuar deri tani në mbështetjen e 250 mijë hetimeve policore.

"Baza e të dhënave të FBI-së për AND-të e instaluar këtu në Shqipëri mund të ketë akses në informacionon e AND-ve prej 190 laboratorëve  në 50 vende përqark botës.
 Kjo bazë  ka ndihmuar deri tani në mbështetjen e 250 mijë hetimeve policore.
Duke përfunduar Ambasadori i SH.BA, Donald LU, ka shprehur besimin se kjo teknologji  e re e mrekullueshme  do ta ndihmojë Policinë e Shtetit  Shqiptar  në luftën kundër grupeve  të sofistikuara  të  krimit të organizuar.
Shtetet e Bashkuara të Amerikës  janë krenare  që e ndihmojnë Shqipërinë  që të jetë udhëheqëse në Ballkan  për përdorimin e teknologjive të reja për zgjidhjen e problemeve të vjetra," -tha ambasadori Lu.

Në fund të ceremonisë, Ambasadori Donald Lu si dhe Drejtori i Policisë së Shtetit Haki ÇAKO, iu kanë dorëzuar certifikatat 8 ekspertëve biologë të laboratorit të Policisë Shkencore që përfunduan kursin për vënien në përdorim të këtij sistemi të porsa instaluar.

Redaksia online
(f.m/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku