POP 5

Lajmet më të lexuara të 5 minutave të fundit

Ekonomi

INSTAT: Inflacioni vjetor 6.7% në 2022, në 2021 ishte 2%! Ushqimet e pijet alkoolike, ndikimin më të madh te çmimet

Festat e fundvitit shqiptarëve u kanë kushtuar rreth 14% më shtrenjtë se në vitin 2021. Kjo për shkak të inflacionit të luftës në Ukrainë, i cili në dhjetor shënoi një tjetër rënie, duke zbritur në nivelin 7.4%, ndërsa në nivel vjetor 6.7% nga 2% që rezultonte një vit më parë

Dhjetori është shoqëruar me një ulje tjetër inflacioni, të shkaktuar nga ulja e konsumit. Referuar INSTAT, pas një rritje rekord deri 8.4% në muajin tetor, shkaktuar nga agresioni rus në Ukrainë, inflacioni ka njohur rënie në dy muajt e fundit për shkak të uljes së konsumit, duke zbritur në nivelin 7.4% në muajin dhjetor nga 7.9% që ishte në nëntor. INSTAT ka publikuar dhe shifrat e inflacionit vjetor, ku rezulton se në vitin 2022, inflacioni arriti në vlerën 6.7%, nga 2%, që rezultonte në vitin 2021.  

Shqiptarët rezulton se kanë paguar 14% më shtrenjtë ushqimet për festat e fundvitit, madje për mishin rreth 13% më shtrenjtë. Referuar INSTAT, krahasuar me muajin Dhjetor 2021, rritja më e madhe e çmimeve vërehet në grupin “Ushqime dhe pije joalkoolike” me 14,2 %, pasuar nga grupet  “Mobilje, dhe elektroshtepiakeve  me 6,5 %, “Transporti” me 6,0 %, “Pije alkoolike dhe duhan” me 5,5 % etj. Brenda grupit të ushqimeve çmimet e nëngrupit “qumësht, djathë dhe vezë” u rritën me me 25,4 %, pasuar nga nëngrupet “vajra dhe yndyrna” me 21,8 %, “peshk” me 15,7 %, “bukë dhe drithra” me 15,3 %, sheqeri dhe nënproduket me 15% ndërsa perimet me rreth 12%

Në nivel vjetor, sipas INSTAT, rritja çmimeve është ndikuar kryesisht nga grupi “Ushqime dhe pije joalkoolike” me +4,98%, pasuar nga grupi “Qira, ujë, lëndë djegëse dhe energji” me +0,54 %. Çmimet e grupit “Mobilje, pajisje shtëpie dhe mirëmbajtje e shtëpisë” me +0,48%. Çmimet e grupit “Transporti” me +0,36 pikë përqindje.

Krahasuar me muajin Nëntor 2022, çmimet e grupit “Ushqime dhe pije joalkoolike” u rritën me 1,5 %, pasuar nga grupet “Argëtim dhe kulturë” me 0,5 %, “Shërbimi arsimor” me 0,4 %.  

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59