POP 5

Lajmet më të lexuara të 5 minutave të fundit

Ekonomi

INSTAT: Lehtësohen kostot e
prodhimit për biznesin privat

Bizneset vendase, mes vështirësive të rënies së kërkesës e problemeve me likuiditetin, mund të marrin disi frymë lirisht
INSTAT: Lehtësohen kostot e<br />prodhimit për biznesin privat
TIRANE - Bizneset vendase, mes vështirësive të rënies së kërkesës e problemeve me likuiditetin, mund të marrin disi frymë lirisht, pasi në pjesën e parë të vitit nuk po përballen me rritje të kostove të prodhimit, në raport me një vit më parë, por, në raport me tremujorin e parë, rritja është fare e lehtë për disa industri. INSTAT bën të ditur se në tremujorin e dytë 2013, Indeksi i Çmimeve të Prodhimit arriti 113.6 për qind (Viti 2005 = 100), duke shënuar një rritje prej 0.2 përqindësh kundrejt tremujorit të parë 2013.

Ndryshimi vjetor i Indeksit të Çmimeve të Prodhimit është -0.5 përqind. Industria Nxjerrëse shënoi një ulje prej 0.4 për qind, ku mund të përmendet ulja e çmimeve të produkteve në aktivitetin “Nxjerrja e produkteve energjitike” me 1.6 për qind. Çmimet e produkteve në aktivitetin ”Nxjerrja e produkteve jo energjitike” kanë shënuar një rritje me 0.6 për qind. Indeksi i Çmimeve të Prodhimit në degën “Industri Përpunuese” shënoi rritje me 0.3 për qind.

Brënda saj mund të përmendet rritja e çmimeve të prodhimit të produkteve në aktivitetet: ”Industria tekstile dhe e veshjeve” me 0.4 për qind, ”Industria e letrës, kartonit dhe botime” me 0.7 për qind, ”Fabrikimi i mobiljeve” me 1.7 për qind. Indeksi i Çmimeve të Prodhimit në aktivitetin ”Industri ushqimore” shënoi ulje me 0.1 për qind.

Indeksi i Çmimeve të Prodhimit për produktet vendase arriti 111.6 për qind duke shënuar një rritje me 0.4 për qind krahasuar me tremujorin e parë 2013. Indeksi i Çmimeve të Eksportit (viti 2005 = 100) arriti 120.0 për qind duke shënuar një ulje prej 0.9 përqindësh krahasuar me tremujorin e mëparshëm.

Shkrimi u botua sot në gazetën Shqiptarja.com (print) 10.09.2013
 
Redaksia online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça