Ndërtimi ka frenuar ritmet e rritjes, së shënuar në tremujorët e mëparshëm; shitja e energjisë elektrike u rrit ndjeshëm; teknologjia e informacionit pësoi rënie jo të vogël. Këto janë disa nga rezultatet e studimit të Institutit të Statistikave lidhur me prodhimin dhe shërbimet në Republikën e Shqipërisë gjatë tremujorit të fundit të vitit të kaluar. Rritja ka qenë e dobët për industrinë dhe tregtinë, ndërsa rënie ka patur në sektorë të tillë si transporti dhe komunikacioni. 

Të dhënat e INSTAT-it për ndërtimin tregojnë se indeksi i shitjeve neto në volum shënoi rritje 7.5%, krahasuar me tremujorin e katërt 2016. Por në tremujorin e dytë rritja kishte qenë mbi 30% dhe në të dytin mbi 15%.

Prodhimi
Treguesit tremujorë mbi prodhuesit e të mirave, të cilat përfshijnë aktivitetet ekonomike: Industri (Industri Nxjerrëse dhe Industri Përpunuese); Energji elektrike, Gaz, Avull; Furnizimi me ujë, Trajtimi dhe menaxhimi i mbetjeve; Ndërtim, në tremujorin e katërt 2017, paraqiten si më poshtë:

Industri
Indeksi i shitjeve neto në volum shënoi rritje 1.5%, krahasuar me të njëjtën periudhë të një viti më parë; indeksi i prodhimit në volum rritje 3%; indeksi i numrit të të punësuarve rritje 1%; indeksi i fondit të pagave rritje 5.7%.

Energji elektrike, Gaz, Avull
Indeksi i shitjeve neto në volum shënoi rritje 21.3%; indeksi i prodhimit në volum rënie 11.2%; indeksi i numrit të të punësuarve rritje 2.4%; indeksi i fondit të pagave rritje 18.9%.

Furnizimi me ujë, Trajtimi dhe menaxhimi i mbetjeve
Indeksi i shitjeve neto në volum shënoi rritje 8.6%; indeksi i prodhimit në volum rritje 6.1%; indeksi i numrit të të punësuarve rritje 8.4%; indeksi i fondit të pagave rritje 3.6%.

Ndërtim
Indeksi i shitjeve neto në volum shënoi rritje 7.5%, krahasuar me tremujorin e katërt 2016; indeksi i prodhimit në volum rritje 7.5%; indeksi i numrit të të punësuarve rritje 1.4%; indeksi i fondit të pagave rritje 13.7%.

Shërbimet
Treguesit tremujorë mbi shërbimet, përfshijnë aktivitetet ekonomike: Tregti me shumicë dhe pakicë, riparimi i automjeteve dhe motorçikletave; Transport, Magazinim dhe Postë; Hotele; Informacioni dhe Komunikacioni; Aktivitete të Arkitekturës dhe Inxhinierike dhe Agjenci udhëtimi, në tremujorin e katërt 2017, paraqiten si më poshtë:

Tregti me shumicë dhe pakicë, riparimi i automjeteve dhe motorçikletave
Indeksi i shitjeve neto në volum shënoi rritje 1%, krahasuar me të njëjtën periudhë të një viti më parë; indeksi i numrit të të punësuarve rënie 2.7%; indeksi i fondit të pagave rënie 0.2%.

Transport, Magazinim dhe Posta
Indeksi i shitjeve neto në volum shënoi rënie 4.8%; indeksi i numrit të të punësuarve rritje 3.8%; indeksi i fondit të pagave rritje 2.6%.

Hotele
Indeksi i shitjeve neto në volum shënoi rritje 6.5%; indeksi i numrit të të punësuarve rritje 3.2%; indeksi i fondit të pagave rritje 14.2%.

Informacion dhe Komunikacion
Indeksi i shitjeve neto në volum shënoi rënie 7.6%; indeksi i numrit të të punësuarve rënie 1.8%; indeksi i fondit të pagave rritje 0.7%.

Aktivitete Arkitekture dhe Inxhinierike
Indeksi i shitjeve neto në volum shënoi rritje 8.7%; indeksi i numrit të të punësuarve rënie 2.6%; indeksi i fondit të pagave rënie 1.7%.

Agjenci udhëtimi
Indeksi i shitjeve neto në volum shënoi rritje 5.8 %, krahasuar me tremujorin e katërt 2016; indeksi i numrit të të punësuarve rritje 22.6%; indeksi i fondit të pagave rritje 9%.

d.b/shqiptarja.com