POP 5

Lajmet më të lexuara të 5 minutave të fundit

Ekonomi

INSTAT: Në verën e 2013, Kukësi 9 herë
më shumë leje ndërtimi se sa Tirana

INSTAT- i ka publikuar raportin për 3-mujorin e tretë të 2013 në lidhje me ndërtimet në vend. Në raport thuhet se, janë miratuar 207,027 m2 për ndërtim në të gjithë vendin. Në Kukës u dhanë 27 leje.
INSTAT: Në verën e 2013, Kukësi 9 herë<br />më shumë leje ndërtimi se sa Tirana
TIRANE - Gjatë 3-mujorit të tretë të vitit 2013, në të gjithë territorin e Republikës së Shqipërisë janë miratuar 88 leje ndërtesash të reja. Vetëm në rrethin e Kukësit janë dhënë 27 leje nga 88 që janë në shkallë vendi. E thënë në kuadër të sipërfaqes, këto leje përkthehen në 207,027 m2. Ajo që vlen të theksohet është se në qarkun e Tiranës, gjatë periudhës korrik-shtator të vitit 2014 janë dhënë vetëm 3 leje nga totali i 88 lejeve që janë dhënë në mbarë vendin.

Nga ana tjetër, sipërfaqja e caktuar për këto leje ndërtimi, në qarkun Tiranë, është 147,028 m2. Ajo që shquhet më shumë, nga këto të dhëna të publikuara nga INSTAT-i, është  se gjatë 3-mujorit të tretë të vitit 2013, qarku i Tiranës ka rezultuar me numrin më të vogël të lejeve për ndërtesa të reja, duke pasur parasysh se në këtë qark ndodhet edhe kryeqytetit i vendit, i cili ka aktivitetin më të madh ekonomik në Shqipëri. Ndërkohë, sipërfaqja totale, që rezulton nga lejet e ndërtimit për ndërtesat e reja në qarkun e Tiranës, është më e madhja në të gjithë vendi.

NE 3-MUJORIN E 3 TE 2013 NUMRI I LEJEVE U RRIT ME 150 %
Në bazë të të dhënave të INSTAT-it, lejet e miratura për ndërtesa banimi zënë 61,4% të totalit të lejeve, ndërsa ato për ndërtesat jo rezidente zënë 38,6 %. Krahasuar me të njëjtën periudhë të një viti më parë, gjatë 3-mujorit të tretë të vitit 2013, totali i lejeve të ndërtimit të miratuara është rritur me 150,5%. Ndërsa, krahasuar me 3-mujorin paraardhës, gjatë 3-mujorit të tretë të vitit 2013, totali i lejeve të ndërtimit të miratuara është rritur me 129,6%.

Statistikat tregojnë se 99,9% e lejeve të ndërtimit e zënë ndërtesat. Nga ana tjetër, në kuadrin e lejeve të miratuara për ndërtesat sipas klientëve, gjatë periudhës korrik-shtator të vitit 2013, 96.4% të tyre e zënë klientët privatë. Ndërsa përsa i përket lejeve të miratuara për punime inxhinierike sipas klientëve, klientët shtetërorë zënë 95,8% të tyre.

NE KUKES U DHANE 27 LEJE NDERTIMI
Një tjetër e dhënë interesante është numri i lejeve të ndërtimit që janë miratuar në qarkun e Kukësit. Sipas të dhënave të INSTAT-it për 3-mujorin e tretë të vitit 2013, ky qark rezulton me numrin më të madh te lejeve të ndërtimit të miratuara në krahasim me të gjithë qarqet e tjera. Pra, për qarkun e Kukësit janë dhënë 27 leje ndërtimi nga 88 leje që janë dhënë në të gjithë vendin. Në kuadër të sipërfaqes që përfaqësojnë këto leje, të dhëna në qarkun e Kukësit, ato kapin shifrën 14,104 m2.

Në këtë prizëm, qarku i Kukësit renditet i treti në vend. Dy qarqet ku janë dhënë leje ndërtimi, të cilat të gjitha bashkë rezultojnë me sipërfaqen më të madhe, duke filluar nga 3-mujori i tretë i vitit 2012 e deri në 3-mujorin e tretë të vitit 2013, janë ato të Tiranës dhe të Vlorës. Nga ana tjetër gjatë kësaj përiudhe 1-vjeçare të lartpërmendur, në qarqet e Beratit, Dibrës dhe Lezhës nuk është miratuar as edhe një leje ndërtimi, nëse u përmbahemi statistikave të INSTAT-it
 
PËRPLASJET MES PUSHTETIT VENDOR DHE QENDROR
Gjatë viteve të fundit, ndërmjet pushtetit vendor edhe qendror ka pasur përplasje të shpeshta për sa u përket miratimit të lejeve të ndërtimit, kur këto kanë pasur përfaqësues të forcave të ndryshme politike, duke rezultuar në bllokime, sidomos në zona të rëndësishme ekonomike, siç është kryeqyteti.


tabela e lejeve te ndertimit
(Në foto: Tabela me lejet e ndërtimit)

Redaksia online
(esh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kina dhe Rusia kryejnë patrullim të përbashkët ajror mbi Detin e Japonisë

Kina dhe Rusia kryejnë patrullim të përbashkët ajror mbi Detin e Japonisë

29 Nëntor, 11:32