POP 5

Lajmet më të lexuara të 5 minutave të fundit

Ekonomi

INSTAT për eksportet: Pandemia e tkurri tregtinë me 9%, rënia më e madhe tek tekstilet dhe energjia

Për shkak të pandemisë viti 2020 është mbyllur me një rënie prej 9% të tregtisë. Sipas të dhënave të INSTAT deri në fund të dhjetorit vendi ka eksportuar mallra me vlerë 272 miliardë lekë dhe ka importuar 605 miliardë lekë.

Viti 2020 është mbyllur me rënie të ndjeshme të tregtisë krahasuar me 2019. Gjatë vitit që lamë pas kemi eksportuar 272 mld lekë duke pësuar një rënie prej 9% në raport me 2019, kur u eksportuan 299 miliardë lekë.

Edhe importet janë tkurrur por në nivel më të ulët, pasi në fund të dhjetorit raportohet për një nivel të importit në vlerën e 605 miliardë lekëve, me një rënie prej 6.8% pasi në 2019 kishim importuar 649 miliardë lekë.

Në këto kushte kur tregtia ka pësuar rënie edhe deficiti tregtar ishte më i ulët. Nga 350 miliardë që ishte në 2019 në fund të vitit të kaluar ishte në nivelin e 333 miliardë lekë.

Ndikimin kryesor në rënien e eksporteve e ka dhënë grupi i tekstileve dhe këpucëve (fasoneria) që janë tkurrur me 5.3% si pasojë e mungesës së aktivitetit të modës në vendet me të cilat Shqipëria ka marrëdhënien më të madhe tregtare. Po ashtu rënie është regjistruar edhe në import me 1.8%.

Në vitin 2019 energjia elektrike është konsideruar si shkak për rënien ekonomike, kurse në 2020-ën Shqipëria ka ulur më 3,5% importin e saj, duke mos krijuar faturë financiare për buxhetin e shtetit. Kjo rënie e kërkesës për të importuar energji lidhet edhe me faktin që bizneset u futën në karantinë dhe ulën konsumin.

Ndërsa në vitin e pandemisë vendi ka eksportuar më shumë materiale ndërtimi e metale, makineri e pjesë këmbimi si dhe ushqim e pije, duhan.  Gjatë vitit 2020 vendet me të cilët Shqipëria ka pasur rritje më të madhe të eksporteve, janë: Gjermania, Greqia dhe Maqedonia e Veriut. Ndërsa vendet me të cilat ka pasur rënie janë Italia, Kosova dhe Spanja.

 

 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze