Aksidentet rrugore kanë përgjakur rrugët në vend. 2 të vdekur dhe 5 të plagosur është bilanci i aksidenteve në orët e para të mëngjesit të së mërkurës.
Dy të rinj nga Lezha ishin duke udhëtuar gjatë natës në aksin Shkodër-Lezhë, kur makina e tyre Benz, është përplasur me një kamion. Të vdekur në vend kanë mbetur 32 vjeçari, Gentian Toma, dhe 25-vjeçari, Robert Ejlli.
Të rinjtë ishin duke u kthyer për në fshatin Mabë në Lezhë, aty ku kishin banesat, por përplasja ka qënë fatale dhe kanë humbur jetën. Shkak i këtij aksidenti dyshohet të jetë shpejtësia e lartë, pasi Benzi ka goditur nga pas kamionin. Vetëm 5 km ishin larg dy miqtë e ngushtë, por rruga e tyre nuk përfundoi. Një 19-vjeçar drejtonte kamionin, i cili ka dalë nga rruga, por shoferi nuk është dëmtuar. Policia ka shoqëruar shoferin e kamionit dhe po verifikon nëse mjeti kishte drita sinjalizuese në pjesën e pasme.
Pak orë më vonë një aksident ka ndodhur në autostradën Lushnje-Rrogozhinë. Shoferi i një makine Benz, Marindo Rona, dyshohet se e ka zënë gjumi dhe ka humbur kontrollin. Automjeti ka dalë nga rruga, ku një vajzë 8-vjeç e cila ishte në makinë, është në gjendje të rëndë për jetën dhe është dërguar në Spitalin e Traumës në Tiranë.
Në Elbasan, shoferi i një makine ka përplasur një 69-vjeçar me motor. I moshuari është dërguar në spital dhe është jashtë rrezikut për jetën. Ndërkohë në Dibër, 35-vjeçari Albert Cepa është arrestuar pasi ka përplasur me makinë dy këmbësore në Maqellarë. Shoferi dyshohet se ka humbur kontrollin dhe ka goditur 2 të mitur të moshës 15 dhe 17 vjeç, ku njëri prej tyre është dërguar në Spitalin e Traumës në kryeqytet.
Pavarsisht kontrolleve të Policisë Rrugore, numri i aksidenteve rrugore vijon të mbetet i lartë. Sipas të dhënave të INSTAT në muajin korrik kanë humbur jetën 18 persona nga aksidentet rrugore, ndërsa 210 persona kanë mbetur të plagosur. Në 7 muaj 116 persona kanë vdekur nga aksidentet bëjnë me dije të dhënat e INSTAT.
Ajo që bie në sy nga këto të dhëna është fakti se 74% e aksidenteve kanë ndodhur për shkak të gabimeve të shoferëve.
Komente
Lajme të tjera
-
Ushqimet po importohen me lirë, por për konsumatorët ofrohen me rritje
25 Dhjetor, 13:49 -
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Fier/ Mashtrim, përndjekje, vjedhje dhe aksident, 4 persona të arrestuar, një në kërkim dhe një tjetër nën hetim! (EMRAT)
20 Dhjetor, 13:45 -
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
U përfshi në aksident, mjeku nuk u mbijeton dot plagëve! Humb jetën te Trauma
18 Dhjetor, 09:35 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Aksident në Berat, makina përfundon në kanal! Tre të plagosur (VIDEO)
17 Dhjetor, 08:17 -
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
Aksident me vdekje në Kamëz, arrestohet 30-vjeçari! I riu nga Texas përplaset me ‘Audi’-n te Bulevardi i Ri, 4 të plagosur
1 Dhjetor, 12:21
