POP 5

Lajmet më të lexuara të 5 minutave të fundit

Ekonomi

INSTAT:Regjistrimi i bujqësores
do të punësojë 4 mijë persona

Regjistrimi i Njësive Ekonomike Bujqësore në bashki dhe komuna ka mbledhur në një tryezë, drejtues të pushtetit lokal dhe kryetarë të njësive vendore. Regjistri i ri i ekonomisë bujqësore do të punësojë në shkallë vendi, afro 4 mijë persona dhe pritet të sjellë një risi në menaxhimin e këtyre pasurive.
INSTAT:Regjistrimi i bujqësores<br />do të punësojë 4 mijë persona
TIRANE - Regjistrimi i Njësive Ekonomike Bujqësore në bashki dhe komuna ka mbledhur në një tryezë, drejtues të pushtetit lokal dhe kryetarë të njësive vendore. Regjistri i ri i ekonomisë bujqësore do të punësojë në shkallë vendi, afro 4 mijë persona dhe pritet të sjellë një risi në menaxhimin e këtyre pasurive.

Gjithashtu inventarizimi në shkallë qarku i çdo pasurie bujqësore do t’i shërbej Instat-it në ndërtimin dhe hartimin e drejtë të politikave ekonomike. Ky regjistrim do të sigurojë informacion të përgjithshëm dhe të hollësishëm për njësitë ekonomike, si dhe do të ofrojë të dhëna të besueshme statistikore.

Njësitë vendore të pushtetit lokal në përfundim të këtij procesi inventarizimi do të kenë shifra dhe fakte reale për territoret që qeverisen prej tyre.

Ministri i brendshëm Noka, i pranishëm në këtë takim u shpreh se ky proces do të kryhet në bashkëpunim me institucionet qendrore dhe Instat, ku do të punësohen anketues, kontrollorë dhe mbikëqyrës.

Institucionet qendrore, veçanërisht INSTAT, kanë mobilizuar burime njerëzore, administrative e logjistike. Vetëm gjatë këtij procesi do të punësohen në të gjithë territorin e Republikës së Shqipërisë rreth 3500 anketues, 750 kontrollorë dhe 69 mbikëqyrës.

Në zbatim të VKM-ve përkatëse, jo më vonë se data 12 gusht duhet të ngrihet dhe të fillojë nga puna Komisioni i Regjistrimit të Përgjithshëm të Njësive Ekonomike Bujqësore në nivel qarku, i cili drejtohet nga Kryetari i Këshillit të Qarkut.

Ndërkohë që jo më vonë se data 22 gusht, duhet të ngrihen dhe të fillojnë nga puna Komisionet e Regjistrimit të Përgjithshëm të Njësive Ekonomike Bujqësore në bashki e komuna, të cilët do të drejtohen ekskluzivisht nga Kryetaret e njësive vendore përkatëse.
(ar/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Izraeli voton nesër armëpushimin në Liban

Media: Izraeli voton nesër armëpushimin në Liban

25 Nëntor, 16:26