POP 5

Lajmet më të lexuara të 5 minutave të fundit

Ekonomi

INSTAT: Rritet punësimi me 3.4% dhe pagat me 4,5 %/ Ministrja e Financave: Politikat e ndërmarra pozitive

Krahasuar me një vit më parë niveli i papunësisë ka rënë me 0,9% dhe ka zbritur me 0,6% në raport me tremujorin e parë të këtij viti. Për periudhën prill-qershor numri i të punësuarve është rritur me 3.4%. Sipas raportit të INSTAT, shkalla e pjesëmarrjes në forcat e punës, për popullsinë 15-64 vjeç, është 69,8 %, duke shënuar përsëri një rritje krahasuar me një vit më parë.

Papunësia në tremujorin e dytë të këtij viti ka zbritur në nivelin e 11,5 %. Krahasuar me një vit më parë niveli i papunësisë ka rënë me 0,9% dhe ka zbritur me 0,6% në raport me tremujorin e parë të këtij viti. Për periudhën prill-qershor numri i të punësuarve është rritur me 3.4%. Sipas raportit të INSTAT, shkalla e pjesëmarrjes në forcat e punës, për popullsinë 15-64 vjeç, është 69,8 %, duke shënuar përsëri një rritje krahasuar me një vit më parë. Pjesëmarrja në punë është nga meshkujt, me 77,8% dhe gratë kanë një pjesëmarrje prej 61,9 %.

Sektori i shërbimeve ka punësuar më shumë individë këtë periudhë konkretisht me 5,7 % krahasuar me 2018, kjo për arsye edhe të sezonit veror ku rritja e personelit është më e madhe nëpër restorante apo hotele. Në vend të dytë renditet sektori i industrisë që ka punësuar 4,4 % më shumë persona se një vit më parë, dhe në fund renditet bujqësia që ka vetëm punësuar vetëm 0,3 % më shumë se në 2018.

Lidhur me këto të dhëna ka reaguar edhe Ministrja e Financave duke u shprehur së këto të dhëna tregojnë sërish se politikat të ndërmarra nga qeveria kanë rezultuar efektive çka është reflektuar në rritjen e punësimit dhe  zhvillim të qëndrueshëm ekonomik. Ndërkohë po për të njëjtën periudhë është rritur me 4,5 % paga mesatare mujore bruto, e cila ka arritur në nivelin e 52.645 lekë. Pavarësisht rritjes së pagës, të punësuarit në sektorin e tregtisë, transportit, aktivitetit akomodues dhe shërbimit ushqimor është 26,1 % më e ulët sesa mesatarja në nivel kombëtar. Po ashtu ulje të pagave ka pasur edhe në sektorin e ndërtimit 2,6 %.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • www.youngtribune.com: 12/09/2019 12:24

    Me keto rritje pagash do ja kalojme dhe Gjermanise shume shpejt

    Përgjigju
  • andi: 11/09/2019 22:21

    akoma ka njerez qe i besojne ketyre te INSTAT? rrofshin call centerat se papunesia do ishte rrit me 50% por prap dhe kjo qe ka rritje ne punesim, ne paga sikur te ishte e vertet do kishim ndenjur ne shqiperi dhe jo te iknim jashte. plus paga bruto MESATARE 52645 mije lek qe eshte gati 40000 lek te reja ne muaj ne kete kohe nuk del per buke thate duke pare qe cmimet neper supermarkete dhe ne pergjithesi cmimet e ushqimeve jane shume te larta gati gati njesoj me gjermanine apo belgjiken ku atje paga mesatare eshte 3600 euro +-, e jo me te mbash familjen apo te blesh shtepi me cmime skandaloze prej 800-1000€m2 qe akoma nuk e kuptoj pse jane me EURO? jetome ne nje vend qe monedha eshte LEK dhe jo euro po nejse. dhe duke u kapur tek pjesa "Lidhur me këto të dhëna ka reaguar edhe Ministrja e Financave duke u shprehur së këto të dhëna tregojnë sërish se politikat të ndërmarra nga qeveria kanë rezultuar efektive çka është reflektuar në rritjen e punësimit dhe zhvillim të qëndrueshëm ekonomik. " shpresoj qe po talleni, politikan e ndermarra? CILAT? te jete per shtetin shqiptar dhe politikat e marra shqiperia do kishte page mesatare 1000€ se te kishim politikan te hajrit shqiperia do ishte Zvicer 2.0. Por cte bejme jemi ne nje shtet me politike fasade del rama e i duket shqiperia zvicer por cte besh kur ske mundesi zgjedhje se midis rames, bashes dhe asaj tjetres me mire mer kete qe kemi por perseri shpresoj shume qe ne nje te ardhme shqiperia te zhduket vare si shtet e te ikin te gjithe.

    Përgjigju
  • Hdhd: 11/09/2019 22:13

    Shikoni mirë se mos është emigracioni që zbras vëndin dhe kjo sjell dhe më tepër vende pune bosh...

    Përgjigju
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Zgjedhjet e 9 shkurtit/ Sot fillon votimin mërgata e Kosovës

Zgjedhjet e 9 shkurtit/ Sot fillon votimin mërgata e Kosovës

9 Janar, 08:16