Në këtë ditë gratë e Kosovës i ka uruar Kryeministri Thaci dhe Kryepalamentari Jakup Krasniqi, duke shprehur nevojën për përpjekje të vazhdueshme në avancimin e rolit të gruas në rrjedhat e përgjithshme të shoqërisë.
Ndërkaq, rrjeti i Grupeve të Grave të Kosovës organizon sot protestë me moton `Nuk duam lule, duam drejtësi për gratë e dhunuara gjatë luftës`. Përmes kësaj proteste gratë kërkojnë mbrojtje ligjore për gratë e dhunuara gjatë luftës. Protesta fillon në ora 12:00 para Teatrit Kombëtar në Prishtinë.
Ndërkaq, një orë më vonë, gratë e Kosovës, të organizuara nga Aleanca e Gruas e Kosovës dhe OJQ të, do të protestojnë në mbështetje të ish kryeministrit të Kosovës, Ramush Haradinaj.
Poashtu, nga ora 14, Lëvizja VETËVENDOSJE! do të organizohjë tribunën me temën “Krimet e heshtura të Serbisë gjatë luftës së fundit”. Në tribunë do të diskutohet mbi heshtjen kolektive kundrejt dhunën e shtetit serb ndaj grave e vajzave shqiptare gjatë luftës së fundit, si dhe heshtjen kolektive përballë kësaj çështjeje, gjatë viteve të pasluftës.
/rg/shqiptarja.com/