POP 5

Lajmet më të lexuara të 5 minutave të fundit

Kultura

Instituti Kombëtar i Trashëgimisë Kulturore me drejtor të ri, ikën Kllafani në detyrë prej 5 muash, në krye arkitektja Klesta Qirici

Drejtorja e re e Institutit Kombëtar të Trashëgimisë Kulturore, është arkitektja Klesta Qirici 

Instituti Kombëtar i Trashëgimisë Kulturore me drejtor të ri, ikën Kllafani në detyrë prej 5 muash, në krye arkitektja Klesta Qirici

Drejtorja e re e IKTK-se, ark. Klesta Qirici

Drejtorja e re e Institutit Kombëtar të Trashëgimisë Kulturore, është arkitektja Klesta Qirici. Specialisti Eugen Kallfani (që më heret ishte në krye të Drejtorisë Rajonale të Trashëgimisë Kulturore në Berat), i përzgjedhur në këtë post prej nëntorit të vitit që lamë pas, siç bëjnë me dije burime nga Ministria e Kulturës, prej së cilës varet ky institucion, është larguar për motive personale.  Qirici, prej afro 3 vitesh ka qenë në pozcionin e këshilltares të Ministres për programin EU4CULTURE. Lajmin e ndrrimit të kreut të IKTK -së e ka bërë me dije vetë ministrja e Kulturës Elva Margariti përmes një postimi në rrjetet sociale. 

"Punë të mbarë drejtores së re të Institutit Kombëtar të Trashëgimisë Kulturore, ark. Klesta Qirici! E bindur se Klesta do të vijojë të çojë përpara projektet madhore që kemi nisur së bashku në fushën e trashëgimisë, ruajtjes dhe promovimit!", shkruan Margariti.

Kush është Klesta Qirici? 

Referuar informacioneve të faqes zyrtare të Ministrisë së Kulturës, ark. Klesta Qirici, mban pozicionin e këshilltarit pranë kabinetit të Ministres së Kulturës, znj. Elva Margariti, prej tetorit të vitit 2020.

Studimet e larta i ka kryer pranë Universitetit Politeknik të Tiranës, Fakulteti i Arkitekturës dhe Urbanistikës (2004-2010). Aktualisht është duke kryer studimet doktorale pranë Universitetit të Tiranës, Fakulteti i Historisë Filologjisë, Dega Trashëgimia Kulturore. Është specializuar në projektim ndërtesash Spitalore, Perugia, Itali në vitin 2013.

Ndërkaq prej vitit 2010 ka punuar si arkitekte duke mbuluar pozicionin e Menaxher Projekti dhe Koordinatore në zhvillimin e projekteve të karakterit Masterplane Urbanistike, Rindërtim të Ndërtesave Kulturore me rëndësi kombëtare, Projektim i ndërtesave Spitalore, Restaurim të Monumenteve të Kulturës, Masterplan të Parqeve arkeologjike, në bashkëpunim me studio prestigjoze arkitektonike kombëtare dhe ndërkombëtare.

Ka marrë pjesë në konkurse ndërkombëtare në fushën e arkitekturës,  ku fal punës në grup është nominuar për “European Union Prize for Contemporary Architecture Mies Van Der Rohe” Aëard 2019.
 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kuvendi/ Korreshi: Shqiptarët nuk marrin dot pronat, legalizimet për vota! ju rilindët varfërinë, Noc Rrokun u keni dhënë shqiptarëve

Kuvendi/ Korreshi: Shqiptarët nuk marrin dot pronat, legalizimet për vota! ju rilindët varfërinë, Noc Rrokun u keni dhënë shqiptarëve

17 Shkurt, 17:34