Integrimi/ Qeveria holandeze më në fund i jep 'dritën jeshile' negociatave të Shqipërisë me BE-në: Të ketë sa më parë një datë për Konferencën Ndërqeveritare

'Duhet sa më parë ketë një datë për Konferencën e Parë Ndërqeveritare Shqipëri-BE". Qëndrimi është i qeverisë holandeze, shtet i cili prej vitesh është një prej atyre shteteve më skeptike dhe ka penguar hapjen e negociatave të Shqipërisë me Bashkimin Evropian

Holanda ka miratuar kështu raportin e Komisionit Evropian dhe vlerësohet përparimi me reformat në temat prioritare dhe në luftën kundër krimit të organizuar e korrupsionit.

Qeveria holandeze ka nënvizuar në raport se Shqipëria ka bërë përparim në kushtet që i ishin vënë, megjithatë kërkohet edhe më shumë punë në dejtim të forcimit të institucioneve dhe se politikanët dhe qytetarët duhet të mësohen me pavarësinë e gjyqësorit.

Një tjetër 'porosi' holandeze është se duhet të përfundojë Vettingu i gjyqtarëve dhe prokurorëve dhe të plotësohen të gjitha vendet e lira në fushën e drejtësisë.

“Kjo nuk do të thotë që Shqipëria së shpejti do të jetë në gjendje të anëtarësohet në BE” dhe se reformat e sundimit të ligjit janë larg nga të qenurit të plota dhe për këtë arsye do të jenë thelbësore për procesin e gjatë pas hapjes së negociatave të pranimit me Shqipërinë.

Ky raport i Qeverisë së Holandës pritet që më 16 qershor të dërgohet për votim në Parlamentin holandez, i cili i jep vulën përfundimtare qëndrimit të këtij vendi. 

Më 22 qershor pritet një mbledhje shumë e rëndësishme e Këshillit Evropian, ku unioni do të vendosë nëse do të ketë apo jo një datë për Konferencën e Parë Ndërqeveritare me Shqipërinë dhe Maqedoninë e Veriut. Disa ditë më parë ministri gjerman për Evropën Michael Roth tha nga Tirana se për Gjermaninë përcaktimi i datës së konferencës së parë ndërqeveritare për negociatat të BE-së me Shqipërisë duhet të merret sa më shpejt pasi Shqipëria i ka plotësuar kushtet.

Megjithatë tashmë ka mbetur vetëm një pengesë për mbajtjen e Konferencës së parë ndërqeveritare që është qëndrimi i Bullgarisë. Për arsye të përplasjeve me Maqedoninë e Veriut qeveria bullgare bllokon kështu automatikisht edhe Shqipërinë, pasi pritet që përcaktimi i datës të bëhet për të dyja shtetet njëherazi.

Në BE kjo është periudhë negociatash që edhe Bullgaria të bie dakord dhe të bëhet penguese e nëj vendimi kaq të rëndësishëm jo vetëm Shqipërinë dhe Maqedoninë e Veriut por për të gjithë rajonin si dhe vetë Bashkimin Evropian.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Igor: 05/06/2021 09:04

    Deri sa te burgosen te gjith politikanet e koruptuar dhe gjyqtaret qe kan vjedhur popullin,krijuan nji varferi ,detyruan largimin e popullit nga vendi ,neve dota mesojme Hollanden mos te zbuse asgje,dje shkruajti gazeta se deputetet qe dogjen mandatet jan paguar me roga si ne perendim pa qene deputet,etj,etj.

    Përgjigju
  • Sondazhi i ditës:

    A duhet që opozita të dalë me një kandidat të përbashkët në zgjedhjet e ardhshme vendore?



×

Lajmi i fundit

Greqia publikon raportin për emigrantët e ligjshëm në vend: 61% e tyre janë shqiptarë! Më i ulët në krahasuar me një vit më parë

Greqia publikon raportin për emigrantët e ligjshëm në vend: 61% e tyre janë shqiptarë! Më i ulët në krahasuar me një vit më parë