POP 5

Lajmet më të lexuara të 5 minutave të fundit

Politikë

Integrimi në BE/ Ambasadori gjerman dhe ambasadorja franceze: Po punojmë që konferenca e parë ndërqeveritare të mbahet brenda presidencës sllovene

Ambasadori gjerman dhe ambasadorja franceze, deklaruan sot nga qyteti i Korçës se po punojnë për të bërë të mundur realizimin e konferencës së parë ndërqeveritare Shqipëri-BE brenda presidencës sllovene. Lidhur me pyetjen se cili do ishte qëndrimi i tyre nëse ish-kryeministri Sali Berisha do merrte drejtimin e Partisë Demokratike, asnjë nuk zgjodhi t'i përgjigjej, por thanë se fokusi ishte integrimi i vendit në BE.

Ambasadori gjerman dhe ambasadorja franceze, deklaruan sot nga qyteti i Korçës se po punojnë për të bërë të mundur realizimin e konferencës së parë ndërqeveritare Shqipëri-BE brenda presidencës sllovene. Ato ndodhet sot në Korçë në kuadër të aktivitetit të mbajtur në nder të ushtarëve francezë të rënë në luftën e parë botërore. Ambasadorja franceze Elisabeth Barsacq tha se shqetësimi i momentit është që ne të arrijmë të organizojmë konferencën e parë ndërqeveritare për Shqipërinë dhe Maqedoninë e Veriut.

“Pyetja ose çështja e cila mua më shqetëson më tepër kryesisht në këtë moment është që ne të arrijmë të organizojmë konferencën e parë ndërqeveritare për Shqipërinë dhe Maqedoninë e Veriut natyrisht me urimin më të madh që ajo të bëhet gjatë presidencës sllovene pra së shpejti dhe duke pritur gjithashtu edhe përfundimin e zgjedhjeve në Bullgari ashtu siç i tha  dhe kryeministri i Holandës i cili ishte në Shqipëri dje.”-tha ambasadorja franceze.

Ambasadori gjerman Peter Zingraf deklaroi se duhet të punojmë të gjithë së bashku për konferencën e parë ndërqeveritare për Shqipërinë dhe Maqedoninë e Veriut

“Unë do të nënvizoja ashtu siç tha kancelarja kur ishte në vizitë këtu ne punojmë të gjithë së bashku me partneritete në mënyrë që konferenca e parë ndërqeveritare për Shqipërinë dhe Maqedoninë e Veriut të mund të realizohet brenda presidencës Sllovene dhe të jeni të sigurtë që në të gjithë po punojmë në këtë drejtim dhe shpresojmë që të bëhet.”-tha Zingraf.

Pyetje: Për konfliktin midis Maqedonisë së Veriut dhe Bullgarisë, a mund ta ketë Shqipëria e vetme një datë nëse nuk zgjidhet konflikti midis tyre?

Ambasadorja franceze: Kjo çështje nuk shtrihet për momentin, çështja që shtrohet për momentin është që përgjatë presidencës sllovene të punojmë të kemi një datë.

Lidhur me pyetjen se cili do ishte qëndrimi i tyre nëse ish-kryeministri Sali Berisha do merrte drejtimin e Partisë Demokratike. Asnjëri prej tyre nuk iu përgjigj pyetjes, duke u shprehur se shqetësimin kryesor kanë organizimin e konferencës së parë ndërqeveritare të Shqipërisë dhe Maqedonisë së Veriut.

Pyetje: Qëndrimi juaj nëse Berisha merr drejtimin e partisë Demokratike?

Ambasadorja e Francës: Pyetja që më shqetëson më tepër është organizimi i konferencës së parë ndërqeveritare të për Shqipërinë dhe Maqedoninë e Veriut. Duke shpresuar që të arrihet një marrëveshje me Bullgarinë dhe që kjo të bëhet gjatë presidencës Sllovene.

/I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46