Inter e ka seriozisht për Eriksen, zikaltërit sfidojnë edhe Juventusin për Pogba-n

Në fillim të sezonit Inter e nisi kampionatin pa u shprehur për objektivin titull duke patur parasysh potencialin e Juventusit, por tani që zikaltërit e mbyllën 2019 në vendin e parë po lëvizin fuqishëm në merkaton e janarit. Mediat në Angli raportojnë për të reja të rëndësishme në lidhje me emra të bujshëm.

Sipas The Sun Inter po kërkon me patjetër të mbyllë që këtë muaj tranferimin e mesfushorit Eriksen, që në verë i përfundon kontrata. Zikaltërit duan të shmangin konkurencën e fortë me ekipe të tjera të mëdha europiane kur lojtari të dalë i lirë në treg dhe për këtë arsye kanë ofruar 20 mln paund. Shuma është e përafërt me atë që kërkon klubi londinez dhe gjasat që martesa të kryhet është e madhe.

Gjithsesi danezi nuk është synimi i vetëm i Interit. Duke parë se Juventusi i rrëmbeu Dejan Kulusevskin për 35 mln euro zikaltërit po intereson për një emër ‘big’ si Poul Pogba, që është edhe objektivi numër 1 i ‘zonjës së vjetër’. Nuk dihet nëse Interi e ka seriozisht për francezin e Manchester United, por mediat në Itali dhe Angli e raportojnë këtë lajm.

Por për ta bashkuar me Conte-s zikaltërit do ta kenë shumë të vështirë, pasi sipas ‘Daily Mirror’ United ia ka bërë të qartë zikaltërve se nuk do të përfshihet në diskutime në rast se këta të fundit nuk ofrojnë Lautaro Martinez. Argjentinasi i Interit vlerësohet 100 mln euro, ndërsa Pogba 180 mln euro, ndaj Interit i duhet të shpenzojë edhe para për mesfushorin.

Për këtë çështje është pyetur edhe trajneri Solskjaer, që e ka mohuar kategorikisht një largim të Pogba-s në merkaton e janarit, por vetë futbollisti e ka deklaruar se nuk është i lumtur në ‘Old Traford’.

Ne.k./Shqiptarja.com

TAG:
• Inter
• Manchester United
• Christian Eriksen
• Poul Pogba