Inter e Manchester United në çerekfinale të Europa League (VIDEO-Golat)

Interi kualifikohet për në çerekfinalet e Europa League pasi mposhti 2-0 Getafen në ndeshjen e luajtur në Gjermani. Nga një gol për çdo pjesë u mjaftoi zikaltërve për të avancuar më tej. Fillimisht Interi vuajti por në minutën e 33-të Lukaku zhbllokon shifrat me një gol të bukur.

Në fraksionin e dytë spanjollët humbasin penallti me Molina që gjuan jashtë në minutën e 76-të ndërsa llogaritë për Interin i mbylli Eriksen i sapofutur në fushë . Në çerekfinale Interi pret fituesen e çiftit Bayer Leverkusen-Rangers me gjermanët që ndeshjen e parë e kanë fituar 3-1.

Ishte thjesht një formalitet kualifikimi për Manchester United ndaj Lask Linz dhe anglezët e fituan edhe ndeshjen e kthimit duke kaluar mes tetë më të mirave. United i përmbysi austriakët 2-1 me golat e Lingard dhe Martial ndërsa ndeshjen e parë e kishte fituar 5-0. Në çerekfinalet e Europa League Manchester United do përballet me Kopenhagen që eliminoi turqit e Istanbul Basaksehir.

Më tej avancoi edhe Shakhtar Donetsk ndërsa sot luhen katër ndeshjet e tjera të fazës së 1/8 të Europa League ku spikat Sevilla-Roma me verdhekuqtë që kanë ndërruar edhe pronësi për 591 mln euro. Menaxhimi nga James Pallotta zgjati 9 vite dhe tashmë pronar i Romës është bërë Dan Fiedkin./ Përgatiti Andi Kapxhiu

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Fier, dhunoi kushërirën, arrestohet në flagrancë 59-vjeçari

Fier, dhunoi kushërirën, arrestohet në flagrancë 59-vjeçari