POP 5

Lajmet më të lexuara të 5 minutave të fundit

Sport

Inter i tregon 'dhembët' Napolit, Roma i falet 18-vjeçarit rekordmen! Conte shijon fitoren e parë me Tottenham (VIDEO)

Inter është kthyer edhe njëherë të jetë pretendente serioze për Seria A. Kampionët në fuqi kanë fituar 3-2 supersfidën e kësaj jave kundër Napolit. Ndërkohë një 18-vjeçar i ka dhuruar tre pikët Romës së Jose Muorinhos, ndërsa Antonio Conte në Premier League ka marrë fitoren e parë me Tottenham.

Supersfida e javës së 13 të Seria A mes Interit dhe Napolit është fituar 3-2 nga kampionët në fuqi të Italisë. Në San Siro ishin miqtë nga Napoli që kaluan të parët në avantazh me Zielinskin, por brenda pjesës së parë zikaltërit do të përmbysnin fillimisht me Calhanoglu që realizoi saktë një penallti dhe më pas me Perisic.

Në pjesën e dytë ishte rradha e Lautaro Martinez, që falë edhe asistit të Joachim Correa-s u rikthyer te goli pas një thatësire gati dymujore. Gjithsesi në minutën e 79 Mertens realizoi një supergol për të rihapur sfidën, që në fund i buzëqeshi Interit pavarësisht rasteve të pastra për gol të Napolit. Për skuadrën e Spalleti-t kjo ishte humbja e parë në kampionat, ndërsa Inter u rikthye fuqishëm në garën për titull. Aktualisht zikaltërit mbajnë vendin e tretë me 4 pikë më pak se Napoli dhe Milani kryesues.

Sakaq ashtu si Interi edhe Roma ka marrë 3 pikët këtë javë në Seria A, pasi është rikthyer te fitoret. Verdhekuqtë e Jose Mourinho-s kanë mposhtur 0-2 Genoa-n në transfertë falë 18-vjeçarit Felix Afena që realizoi ‘dopietë’ në 16 minuta lojë si zëvendësues dhe vendosi një sërë rekordesh. Ai u bë futbollisti i parë i datëlindjes 2003 që realizon gol në Seria A, ndërsa u shndërrua në futbollistin më të ri që realizon dy ose më shumë gola në 5 kampionatet më të fortë në botë.

Ndërkohë Antonio Conte ka marrë fitoren e parë në Premier League me Tottenham. Skuadra e trajnerit italian ka mposhtur 2-1 me përmbysje Leeds falë golave të Hojbjerg dhe Reguilon.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça