Inter në hetim nga prokuroria, reagon klubi: Kemi vendosur në dispozicion çdo dokument! Milan rezulton i pastër

Inter është skuadra e radhës në Itali që prokuroria i ka nisur një hetim mbi temën tashmë të famshme të plusvalencave. “Guardia Di Finanza” ka zbarkuar në zyrat e klubit zikaltër ku ka sekuestruar një mori dokuementash që kanë të bëjnë me transferimet e kryera në merkato në sezonet 2017-2018 dhe 2018-2019.

Hetimet për këtë çështje kanë nisur që me datë 9 shtator, ndërsa ndër emrat e përmendur është edhe ai i Radia Naingolan, i transferuar nga Roma te Inter. Në skenë ka dalë edhe klubi tjetër i Milanos, Milani, por më pas nga verifikimet ka rezultuar krejtësisht i pastër.

Pas lajmit të bërë publik në media ka reaguar klubi i Interit ku thotë se është i hapur ndaj çdo lloj hetimi, ndërsa shton se ‘asnjë lojtar i federuar që është aktualisht pjesë e skuadrës nuk është më hetim’. Çështja e plusvalencave fiktike ka nisur muaj më parë kur fillimisht u përmend Juventusi dhe më pas edhe skuadra të tjera si Napoli apo Genoa.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Drejt djegies së raundit të tretë, mendoni se PS duhet ta zgjedhë vetë Presidentin?



×

Lajmi i fundit

John

‘Galaktikët’ pushtojnë sërish Europën, Reali kampion i Champions League për herë të 14