POP 5

Lajmet më të lexuara të 5 minutave të fundit

Sport

Inter ngrin festën e Milanit, titulli i Seria A vendoset javën e fundit! Në Itali mrekullon goli i Hernandez, Maignan: S'e bën as Messi

Seria A do të kurorëzojë fituesin në javën e fundit. Kjo pasi Interi iu përgjigj Milanit duke mposhtur 1-3 Kaljarin dhe për rrjedhojë diferenca me 2 pikë është ende në fuqi. Sakaq në fitoren 2-0 të ‘djallit’ kundër Atalanta-s bëri përshtypje supergoli i Hernandez që portieri Manjë e krahasoi me Messi-n.

Milan vendosi njërën dorë te titulli kampion këtë fundjavë teksa fitoi pastër 2-0 kundër Atalanta-s në atë që u cilësua si pengesa më e vështirë, të paktën në letër, për t’i prishur ëndrrën ‘djallit’. Në 'San Siron' e tejmbushur rezultatin e zhbllokoi Leao në pjesën e dytë, duke çuar në delir të gjithë të pranishmit për shkak të trysnisë që ishte krijuar.

Në vijim Theo Herandez dyfishoi shifrat, duke realizuar një gol mahnitës që rrallë shihet në futboll. Një inkurision nga mbrojtja në sulm që finalizohet me topin në rrjetë. ‘As Messi-n nuk e kam parë ta bëjë këtë,’- u shpreh në fund të ndeshjes portieri i Milanit Mike Maignan. Ndërkohë trajneri Pioli deklaroi se ‘është një vit emocionues dhe një fitore për lojtarët e mi’.

Gjithsesi festa e Milanit është shtyrë për javën e fundit të kampionatit, pasi edhe Inter bëri detyrën kundër Cagliari-t. Zikaltërit fituan 1-3 pa e vendosur ndeshjen kurrë në diskutim, duke treguar se luftës për titull do i shkojnë deri në fund pavarësisht se avantazhi i Milanit është i konsiderushëm.

Në këtë ndeshje shkëlqeu Lautaro me ‘dopietë’. Inter ka dy pikë më pak se Milanin kryesues kur ka mbetur edhe një javë kampionat. Në ndeshjen e fundit zikaltërit do përballen me Sampdoria-n, ndërsa do shpresojnë që Sassuolo të bëjë surprizën e madhe kundër Milanit, që i mjafton edhe barazimi për shkak të ndeshjeve direkte për t’u shpallur kampion.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Pentagoni do të dërgojë 1.500 trupa aktive në kufirin me Meksikën, thonë zyrtarët

Pentagoni do të dërgojë 1.500 trupa aktive në kufirin me Meksikën, thonë zyrtarët

22 Janar, 20:54