Interesim i madh i publikut për
Orkestrën e Mikis Theodorakis

Fluks i pazakontë i publikut në Qendrën Kulturore të Katedrales Ortodokse për koncertin e Orkestrës së Mikis Theodorakis.

Koncerti ka nisur në orën 18.00. Gazetarja e Report Tv, Dhurata Hamzai bën të ditur se në sallë nuk ka vende për të gjithë të interesuarit, ndërsa po lejohen të futen vetëm ata që kanë ftesa.

Më herët publiku ishte njoftuar se hyrja do të ishte e lirë nga Kisha Ortodokse. Këngët e kompozitorit të madh do të këndohen nga Sofia Papazoglu dhe Kostas Makedhonas. Mikis Theodorakis njihet si kompozitori që u ka dhënë jetë në këngë poezive. Ai ka kompozuar mbi 1 mijë këngë, ku një pjesë e madhe e teksteve janë poezi të nobelistëve.