POP 5

Lajmet më të lexuara të 5 minutave të fundit

Sport

Interi mposht edhe Cagliari-n, paqe në derbin Lazio-Roma! Ngec Real

Edhe pse me vështirësi Interi fitoi 2-1 në Sardenjë ndaj Cagliari-t dhe siguron fitoren e dytë radhazi. Në paqe përfundoi derbi Lazio-Roma. Real Madrid ngeci sërish në barazim ndërsa Atletico kryeson me pikë të plota në Spanjë.

Interi mposht edhe Cagliari-n, paqe në derbin Lazio-Roma! Ngec Real

Jo shumë i bukur por efikas. Interi fiton edhe në Sardenjë ndaj Cagliarit falë sulmuesve Lautaro Martinez dhe Lukaku me shifrat 2-1 dhe mbetet në kryesim me 6 pikë po aq sa Juventusi. Lautaro Martinez kalon zikaltërit në avantazh por në fillimin e pjesës së dytë kur kishin kaluar 5 minuta vendasit barazojnë me Joao Pedro. Goli i fitores vjen me një penallti të fituar nga Sensi dhe të kthyer në gol nga Lukaku. Belgu nuk gabon dhe shënon golin e dytë radhazi me fanellën zikaltër.

Spektakël pa fitues në derbin e kryeqytetit. Lazio dhe Roma u ndanë në barazim 1-1 në një takim ku u goditën plot 6 shtylla katër nga bardhekaltërit e dy nga verdhekuqtë. Kolarov me penallti kaloi Romën në avantazh në pjesën e parë duke mposhtur Strakoshën ndërsa për Lazion barazoi Luis Alberto kur kishte kaluar një orë lojë.

Në La Liga Real Madrid vijon të ketë vështirësi dhe në transfertë ndaj Villarreal rrëmben vetëm një pikë pas barazimit 2-2. Villarreal morri dy herë avantazhin me golat e Gerard Moreno dhe Moi Gomez por për Los Blancos heroi ishte uellsiani Gareth Bale që barazoi dy herë duke realizuar dygolëshin personal. 5 pikë ka Real në renditje pas tre javëve të para.

Me pikë të plota dhe në kryesim të La Ligas është Atletico Madrid që mbrëmë rikuperoi një humbje 0-2 ndaj Eibar në fitore me shifrat 3-2.  Joao Felix dhe Vitolo barazuan shifrat dhe më pas ai që e vendosi takimin ishte Thomas Party me golin në minutën e 90-të./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça