POP 5

Lajmet më të lexuara të 5 minutave të fundit

Sport

Interi ngre kokë në Champions, Milani humbet edhe ndeshjen e tretë, Liverpool e Ajax me pikë të plota fitojnë edhe Real, City e PSG

Interi ngre kokë në Champions League duke siguruar fitoren e parë. Zikaltërit triumfuan  3-1 ndaj Sherif ndërsa Milani pësoi humbjen e tretë radhazi. Kuqezinjtë u mundën 1-0 nga Porto. Fituan ndërkaq Real Madrid, PSG e Siti.

Interi nuk gabon dhe ngre kokë edhe në Champions League. Zikaltërit mposhtën 3-1 surprizën e grupit D Sheriff Tiraspol dhe ngjiten në kuotën e katër pikëve. Dzeko, Vidal dhe De Vrij ishin autorët e golave për skuadrën italiane që i shkakton humbjen e parë edhe ekipit moldav. Sherifi mbetet në krye të grupit D me 6 pikë.

Fitore bindëse arriti në transfertë edhe Real Madrid që ngjitet në kuotën e gjashtë pikëve. Spanjollët mposhtën ukrainasit e Shakhtar 5-0 dhe marrin vendin e dytë në grup. Ai që shkëlqeu më shumë se të tjerët ishte braziliani Vinicius autor i dy golave.

Në Champions Milani nuk po ngre kokë. Kuqezinjtë pësuan edhe humbjen e tretë në po kaq ndeshje duke mbetur të fundit në grupin B pa asnjë pikë. Porto e mundi minimalisht Milanin 1-0 me golin e Diaz dhe ngjitet në vendin e tretë me katër pikë.

Ndërsa Liverpooli tregoi gjithë potencialin e tij duke fituar 3-2 në Madrid ndaj Atleticos dhe kryeson grupin B me 9 pikë të plota. Nga dy gola realizuan Salah e Griezmann për ekipet e tyre por ai i egjiptianit ishte vendimtar. Atletico mbetet e dyta me 4 pikë.

PSG morri kryesimin e grupit A pasi mundi 3-2 Lajpcig. Me 7 pikë e kryesojnë francezët grupin e lënë pas Cityn. Mbappe zhbllokoi rezultatin ndërsa shkëlqeu Leo Messi me dy gola në minutat 67-të e 74.

Fitoren e dytë në grup e arriti edhe Manchester City. Anglezët luajtën tenis me Bryzh duke fituar 5-1 në transfertë ku dygolësh shënoi Mahrez.

Në grupin C Ajax është me pikë të plota duke siguruar tre fitore në po kaq ndeshje dhe është pranë kualifikimit. Holandezët mundën thellë 4-0 Dortmundin.

Tre pikët e para në grup i siguroi edhe Sportingu i Lisbonës që mundi në Stamboll Beshiktashin 4-1./Përgatiti Andi Kapxhiu

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26