Interkonjeksioni, energji të lirë nga Italia

Debati për linjën e interkonjeksionit Shqipëri-Kosovë, është real dhe nëse ai do të mbyllej sipas parashikimeve, Kosova do të ishte e pavarur nga energjia që merr nga Serbia. Sepse krahas linjës mes dy vendeve shqipfolëse, do të ndërtohej edhe linja e nënujore e energjisë mes Italisë, Shqipërisë dhe Maqedonisë, duke e hapur tregun energjetik Italian për vendet e Ballkanit Perëndimor dhe duke e hequr nga varësia e importeve energjetike të kompanive serbe, siç është EFT. Sipas dokumentit të shtatorit 2007 për linjën e interkonjeksionit mes Shqipërisë dhe Kosovës, por edhe linjës Maqedoni, Shqipëri-Itali, aty parashihet kompletimi I lidhjes energjetike mes vendeve plotësisht, deri në 2020. Linja e interkonjeksionit mes Shqipërisë dhe Kosovës, e vlerësuar në 39 milionë euro, është e gjatë 239 kilometra, nga të cilat 85.5 km janë nga Kosova B deri në kufirin shqiptar dhe pjesa tjetër në Shqipëri. Sipas dokumentit, të mirat e linjës së interkonjeksionit do të ishin të shumta, siç është ulja e ndjeshme e kostove dhe shkëmbimi i ndërsjelltë.
Më pas do të vinte projekti i kabllit nënujor mes Maqedonisë-Shqipërisë dhe Italisë, me një vlerë prej 450 milionë eurosh. Për këtë do të lidhet linja nga manastiri I Maëdonisë në Elbasan, rreth 128 km, Elbasan-Durrës rreth 70 km dhe më pas kablli nënujor për në Foxhia (Itali) rreth 330 km.
(arr/sg/shqiptarja.com)