TIRANË-Në ligjin e ri të asistencës sociale do të përfshihen në programin e pagesave për personat me aftësi të kufizuara edhe ata individë që përjashtoheshin nga skema e mbulimit nga kontributet shoqërore për shkak të mungesës së sigurimeve gjatë pesë viteve të fundit. Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu, gjatë interpelancës me përfaqësues të shoqatave të personave me aftësi të kufizuar, në kuadër të Platformës së Bashkëqeverisjes.
“Ligji i ri i miratuar i asistencës sociale hap rrugën edhe për përfshirjen e atyre personave të cilët nuk përfshiheshin në skemën e sigurimeve shoqërore për shkak se nuk kishin një vit pune të siguruar në 5 vitet e fundit. Do të jenë më shumë se 3000 individë të cilët do të përfshihen në skemën e asistencës sociale nëpërmjet programeve të mbështetjes sociale për personat me aftësi të kufizuara”, tha Manastirliu.
Në interpelancën me përfaqësuesit e shoqatave të personave me aftësi të kufizuar, Manastirliu theksoi se Ligji i ri për asistencën sociale parashikon heqjen e tavanit të periudhës 48 mujore të përfitimit të pagesës së aftësisë së kufizuar për ata persona me aftësi të kufizuar të cilët janë në punë, duke e dhënë këtë pagesë për gjithë jetën.
Manastirliu i është përgjigjur pyetjeve gjatë interpelancës për risitë që sjell reforma e aftësisë së kufizuar, duke theksuar faktin se në çdo hap do të konsultohet me grupet e interesit. Reforma përcakton ndryshimin e vlerësimit për personat me aftësi të kufizuar duke perfshirë vlerësimin e ri bio-psiko-social sipas klasifikimeve të Organizatës Botërore të Shëndetësisë dhe pritet të shtrihet në të gjithë vendin brenda vitit 2024.
“Ne kemi ndërmarrë një reformë e cila ndryshon katërcipërisht mënyrën e vlerësimit të personave me aftësi të kufizuar duke përfshirë gjithashtu edhe punonjës socialë brenda komisioneve të vlerësimit. Flasim për një vlërësim të ri bio-psiko-social që bazohet në instrumentat më të mirë që ka ngritur Organizata Botërore e Shëndetësisë dhe struktura të tjera që merren me vlerësimin e aftësisë së kufizuar të cilat ne po i adaptojmë dhe po i aplikojmë në njësitë administrative 6-7 dhe brenda vitit shtrihemi në të gjithë Tiranën”, është përgjigjur Manastirliu.
Duke i’u përgjigjur pozitivisht pyetjes nëse reforma e aftësisë së kufizuar do të përfshijë personat që nuk dëgjojnë, Manastirliu tha se reforma e re synon integrimin e personave me aftësi të kufizuar nëpërmjet alternimit të shërbimeve në komunitet bazuar në një kategorizim të aftësisë së kufizuar, duke theksuar qasjen multidisiplinare.
“Integrimi i personave me aftësi të kufizuar në jetën sociale është një objektiv kyç i kësaj reforme dhe ne kemi një qasje shumësektoriale, sepse të gjitha institucionet e linjës, Ministria e Financave me Shërbimin Kombëtar të Punësimit, Ministria e Arsimit me shkollat profesionale, apo Bashkitë me shërbimet që kanë, do të jenë pjesë e reformës në aspektin e integrimit të skemës së mbrojtjes sociale dhe të përfshirjes sociale”, u përgjigj Manastirliu.
Lajme të tjera
-
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Vrasja e 14-vjeçarit, tensione në Kuvend/ Bardhi sulmon Manastirliun: Ja kanë shtruar muhabetit të treja si plakat, ajo është vrasëse! Dogjani: Ngrihuni t’i largojmë këta horra!
19 Nëntor, 18:10 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Ekonomia dhe Financat/ Manastirliu për buxhetin: 3800 bursa për nxënësit, 80 laboratorë të rinj, 850 punonjës psikosocialë dhe transport për fëmijë dhe mësues
12 Nëntor, 11:04 -
Dy ditët e fundit të hetimorit të shëndetësisë! Të hënë dhe të martë dëshmojnë ministra dhe ish ministra, pritet ardhja e Ilir Beqajt nga burgu
19 Tetor, 15:45 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Manastirliu inspekton shkollën ‘Hasan Prishtina’ në Tiranë: 300 shkolla të pajisura me laboratorë
4 Tetor, 12:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Paketa e Sigurisë/ Ministri Hoxha: Mbikqyrim shkollat me kamera sigurie, me 'SmartCity' monitorimi do jetë me inteligjencë artificiale
30 Shtator, 12:51
