TIRANE- Konferenca e 51-të Rajonale Europiane e INTERPOL, zbarkon në datat 11, 12 dhe 13 qershor në Tiranë. Delegacionet që vijnë nga të gjitha vendet anëtare të organizatës ndërkombëtare pritet të shkojnë në gati 200 persona, ndërsa organizimi i saj në Shqipëri është një tjetër mundësi për vendin për të përshfaqur në arenën ndërkombëtare prestigjin dhe mbështetjen. Konferenca do të mbahet në Pallatin e Kongreseve dhe pjesëmarrës do të jenë drejtues të përgjithshëm të INTEPOL dhe zëvendës të tyre. Ftesa nga autoritetet shqiptare është bërë edhe për ministra, të cilët mendohet se do të udhëtojnë drejt Tiranës në 3 ditët e punimeve të konferencës.
Për të zhvilluar punimet e këtij eventi, Kuvendi i Shqipërisë do të kalojë me procedurë të përshpejtuar, seancën e 16 majit, marrëveshjen e Shqipërisë dhe INTERPOL, mbi privilegjet dhe imunitetet e delegacioneve pjesëmarrëse. Në këtë marrëveshje thuhet se vendi organizator ka detyrë ruajtjen e sigurisë së delegacioneve dhe dhënien e privilegjeve për aq kohë sa janë të pranishëm dhe për këtë ngarkohet Policia e Shtetit. Përfaqësuesit e ICPO-INTERPOL-i do të kenë të njëjtat privilegje dhe imunitete që zakonisht u jepen organizatave ndërkombëtare, imunitet nga procesi ligjor dhe nga ekzekutimi i procesit ligjor në çështje civile, administrative dhe penale.
Aktualisht, puna vijon për logimin dhe brandimin enkas për aktivitetin. Mbetet e paqartë agjenda e punimeve, ndërsa burime pranë Ministrisë së Brendshme thonë se kjo është në varësi të vendimmarrjes së INTERPOL për publikim të asaj që do të diskutohet, megjithatë baza mbetet e njëjtë, roli i organizatës në luftën kundër krimit klasik dhe formave të reja që sa vijnë dhe perfeksionohen dhe rëndësia e shkëmbimit të informacionit mes anëtarëve të saj.
Sfidë mbetet lufta kundër trafikimit të drogës, krimi ekonomik, kibernetik e më gjerë. Të gjitha shpenzimet për organizimin e kësaj konference do të mbulohen nga buxheti i Policisë së Shtetit dhe arrijnë vlerën e 20 milionë lekëve. Një vit më parë konferenca u mbajt në Ohër të Maqedonisë së Veriut, ndërsa për disa muaj autoritetet shqiptare lobuan që konferenca e radhës të kryhet në Tiranë, ftesë që u pranua nga INTERPOL.
Lajme të tjera
-
'Rritje e pensioneve, nisur nga më të ultat', ministri Hoxha me ish-punonjës të policisë: Mbështetje për familjet e dëshmorëve
16 Dhjetor, 17:52 -
Gara për 48 shefat e Komisariateve, 9 nga kandidatët ankimojnë rezultatin! Shqyrtimet nga Komisioni bëhen më 16-17 Dhjetor
13 Dhjetor, 15:47 -
Zbardhet lista për garën e shefave të 48 Komisariateve! 102 kandidatë morën më shumë se 70 pikë, 16 u skualifikuan dhe 23 u tërhoqën (RENDITJA)
11 Dhjetor, 17:51 -
Hoxha: Rusia luftë hibride në Ballkanin Perëndimor, i janë shtuar edhe portale shqip! Braçe: Nëse dezinformimi nuk adresohet, ndikon zgjedhjet
4 Dhjetor, 10:45 -
Vrasja e Martin Canit/ Policia reagon sërish: Mos hidhni më dyshime të pabaza, s’ka autor të dytë! Po synohet nxitja e pasigurisë te qytetarët
28 Nëntor, 12:12
-
RMV/ Ministri i Drejtësisë thotë se do zbatohen urdhër-arrestet e lëshuara nga Interpol për ish-pjesëtarët e UÇK-së
27 Nëntor, 19:14 -
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Blushi akuza për arrestimin e Ilir Metës: Policia po ruan emrat e efektivëve që morën pjesë në Operacion, iu mohua edhe avokati
7 Nëntor, 15:06 -
Buxheti i Ministrisë së Brendshme 310 mln euro, 20% më shumë se vjet! Pjesa e ‘luanit’ për policinë, por nuk ka rritje pagash! Ministri: Rrisim investimet
5 Nëntor, 16:16 -
Partia e Lirisë kërkesë Policisë e Ministrisë së Brendshme: Na vini në dispozicion emrat e policëve që ‘rrëmbyen’ Ilir Metën, operacion kriminal
4 Nëntor, 11:46 -
Në kërkim ndërkombëtar, arrestohen 3 shqiptarë në Greqi dhe Itali! Pritet ekstradimi
26 Tetor, 11:51
