TIRANE- Nga barnat që do të rimbursohen për vitin 2015 përmirësohet dhe zgjerohet trajtimi i pacientëve në shërbime si: Onkologjik, Gastro-hepatologji, Pneumologji, Reumatologji, Infektiv, në terapinë kardiake, Parkinson, etj.  Kështu shprehet në një intervistë për “Shqiptarja.com”, Drejtori i Fondit të Sigurimit të Detyrueshëm Shëndetësor Astrit Beci.

Drejtori i fondit, shpjegon risitë e listës së barnave të rimbursueshme dhe kategoritë e pacientëve që përfitojnë. Gjithashtu Beci thekson se gjatë dy viteve të fundit në listën e barnave të rimbursueshme janë shtuar 85 ilaçe, që është rritja më e madhe e 10 viteve të fundit.