Kandidati i djathtë për Bashkinë e Gramshit, Kodhel Çala, në një intervistë për gazetën “Shqiptarja.Com” shpreh bindjen se do të fitojë këtë garë përballë rivalit, Luljeta Dollani. Çala rendit disa çështje të suksesit të tij, duke u ndalur tek programi i tij, përkundër modelit që është qeverisur për vite me radhë Gramshi.

I qartë në idetë e tij, kandidati i Partisë Demokratike tregon se në projektin e tij për Gramshin, parashikon angazhimin e ekspertëve më të mirë, të rinj me ide të Gramshit, si dhe do të marr eksperiencat më të mira në hartimin e projekteve të investimeve.