TIRANE- Paraja shqiptare është prodhuar tradicionalisht në vende të huaja, nisur nga kërkesa për të shmangur falsifikimin. Italia, Çekia, Kina kanë qenë vende ku prodhohej pas Luftës së Dytë Botërore, ndërkohë që pas 1991-shit u përzgjodhën shtypshkronja të specializuara në Perëndim. Banknotat në qarkullim aktualisht janë shtypur nga firmat Thomas De La Rue në Britani dhe François-Charles Oberthur në Francë e Zvicër. Shtypshkronjat në fjalë janë jashtë çdo dyshimi për manipulim e vjedhje dhe në to shtypen valuta të shumë shteteve të botës.