Investimi/ Përfundon ndërtimi i mikrotunelit të gazit në Skrapar

Investimi/ Përfundon ndërtimi i mikrotunelit të gazit në Skrapar

Nga punimet per gazsjellesin e TAP ne Shqiperi

Në fund të muajit prill, Gazsjellësi Trans Adriatik (TAP) përfundoi hapjen e segmentit të parë të mikro-tunelit në Skrapar. Dy muaj pas nisjes së punimeve, ka përfunduar tuneli lindor me gjatësi 560 metra. Kontraktori i TAP, Spiecapag dhe nënkontraktori Bessac, arritën ta përmbyllnin këtë fazë të ndërtimit të mikro-tunelit brenda afateve të parashikuara dhe pa asnjë incident, njofton TAP. Tashmë që pjesa lindore e mikro-tunelit ka përfunduar, do të nisin punimet për realizimin e segmentit perëndimor. Përfundimi i të gjitha punimeve për mikro-tunelin pritet të ndodhë gjatë verës.

Mikro-tuneli i Çorovodës është i përbërë nga tuneli lindor me gjatësi 560 metra, tashmë i përfunduar dhe tuneli perëndimor me gjatësi 600 metra. Gjatësia totale e mikro-tunelit do të jetë 1.5 km, ka diametër 1.8 metra dhe shmang kalimin përmes luginës së Osumit dhe kryqëzimin me një rrugë të sapondërtuar.

Terreni i Skraparit është shumë sfidues për ndërtimin e gazsjellësit TAP për shkak të thyerjeve të shumta, njofton kompania, si dhe lartësisë deri në 1.800 metra mbi nivelin e detit e vetë përbërjes gjeologjike.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Krujë/ U kapën duke luajtuar lojra fati me celularë, arrestohen 3 persona

Krujë/ U kapën duke luajtuar lojra fati me celularë, arrestohen 3 persona