'Inxhinieria e Ndërtimit' dhe 'Mjekësia' nisin mësimin më 6 janar (VIDEO)

TIRANË- Nesër do të rifillojë mësimi në fakultetet e Universitetit Politeknik të Tiranës, pas pezullimit të procesit mësimor si pasojë e dëmeve të marra në ndërtesë nga tërmeti i 26 nëntorit. Për studentët e inxhinierisë së Ndërtimit në Universitetin Politeknik të Tiranës mësimi do të pezullohet gjatë gjithë muajit dhjetor, për të rinisur sërish më datë 6 janar. Ky vendim është marrë nga Rektorati i këtij universiteti, si rezultat i situatës së jashtëzakonshme të krijuar nga tërmeti dhe pas analizimit të  raporteve të vlerësimit të godinave.

Por me të njëjtën situatë do të përballen dhe studentët e Universitetit të Mjekësisë në Tiranë, për të cilët është pezulluar mësimi gjatë gjithë muajit dhjetor. Edhe këta studentë do të duhet të presin datën 6 janar për të rinisur normalisht procesin mësimor. Edhe godinat e Universitetit të Mjekësisë pësuan dëme prej lëkundjeve të tërmetit të 26 nëntorit, ndaj rektori i këtij universiteti, Arben Gjata mori vendimin që mësimi të nisë me 6 janar.

Ndërkohë që mësimi për studentët e Universitetit të Tiranës ka nisur me datë 10 dhjetor, duke iu kthyer normalitetit, me vendim të Rektorit Mynyr Koni, i cili u ka kërkuar fakulteteve të propozojnë mënyra për zëvendësimin e orëve të humbura.

B.K./G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet