POP 5

Lajmet më të lexuara të 5 minutave të fundit

Sport

Inzaghi mbreti i finaleve: Fituam një trofe që shume e dëshironim! Zhang, presidenti i Interit ngjitet lart në historinë e klubit

Me këtë sukses trajneri Inzaghi dhe presidenti Zhang hynë në historinë e klubit për numrin e trofeve të fituar.

Inter është rikonfirmuar si fituesi i Kupës së Italisë. Zikaltërit mposhtën 1-2 me përmbysje Fiorentinën në finalen e Romës, duke e çuar në 9 numrin e trofeve të Kupës së Italisë, njëjtë sa Roma, ndërsa vetëm Juventusi ka më shumë, 14 trofe.

Në ‘Olimpico’ Fiorentina e drejtuar nga Vincenzo Italiano kaloi shumë shpejt në avantazh, pasi në minutën e 3 Nico Gonzales shtangu zikaltërit, duke krijuar idenë e një nate shumë të komplikuar për Interin. Megjithatë po brenda pjesës së parë, në harkun kohor të tetë minutave, Lautaro Martinez me ‘dopietën’ e tij do të përmbyste rezultatin.

Ky rezultat falë ‘el toros’ do të mbeste i pandryshuar deri në fund pavarësisht se Fiorentina i shkoi shumë pranë barazimit në disa raste. Në fund kishte lot zhgënjimi te ‘vjolët’, që tani duhet të mendojnë për finalen e Conference League, ndërsa Interi e festoi gjatë trofeun.

Për zikaltërit kjo ishte hera e dytë rradhazi që fitojnë Kupën e Italisë, ndërsa gjithashtu ishte edhe trofeu i dytë brenda këtij sezoni pas Superkupës. Pas triumfit trajneri Inzaghi, që u konfirmua si njeriu i finaleve duke fituar 7 nga 8, u shpreh se ishte ‘tejet i lumtur’, pasi fituan një kupë që shumë e dëshironin. Me këtë trofe edhe presidenti Steven Zhang hyri në histori, pasi u bë presidenti i 3 më i suksesshëm i Interit. Deri më tani numri 1 i klubit ka koleksionuar 5 trofe, ndërsa vetëm Angelo dhe Masimo Moratti kanë më shumë se ai.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46