Irani ka ekzekutuar dy burra që ishin dënuar me vdekje pasi kishin përdorur rrjetet sociale për të promovuar “ateizmin dhe për të ofenduar fetë dhe islamin”.
Njoftimi për ekzekutimin e Yousef Mehrdad dhe Sadrollah Fazeli Zare u bë i ditur më 8 maj përmes ueb-faqes së gjyqësorit, Mizan, dhe në njoftim nuk thuhej se kur këta dy persona u ekzekutuan.
Rastet ndaj Zare dhe Mehradad datojnë që nga viti 2019, kur u ngritën akuzat ndaj tyre. Mehrdad, baba i tre fëmijëve të vegjël, ishte akuzuar për blasfemi online, por edhe për djegien e Kuranit. Zare raportohet se ka pranuar se ka ofenduar profetin dhe islamin.
Ata janë ekzekutuar përmes varjes. Ekzekutimi i këtyre dy personave është shtuar në listën e dënimeve kapitale që Irani ka shqiptuar gjatë dy javëve të fundit, pasi në këtë shtet një person është ekzekutuar çdo gjashtë orë në dy javët e fundit, ka thënë organizata Iran Human Rights, me seli në Norvegji.
Më 6 maj, një disident suedezo-iranian, që u zhduk nga një aeroport turk dy vjet më parë, u bë e ditur se gjendej në paraburgim në Iran. Ai u ekzekutua nga autoritetet nën akuza për terrorizëm.Habib Chaab, themelues dhe ish-udhëheqës i grupit separatist të quajtur Lëvizja Arabe për Çlirimin e Ahvazit (ASMLA), ishte akuzuar se udhëhiqte “një grup terrorist” dhe është dënuar me vdekje.
ASMLA ishte fajësuar për sulmin me bombë gjatë paradës ushtarake në qytetin Ahvaz më 2018, kur ishin vrarë dhjetëra persona dhe plagosur dhjetëra të tjerë.
Numri i lartë i ekzekutimeve, por edhe protestat e vazhdueshme kundër udhëheqjes fetare të Iranit, kanë çuar në kritika të shumta nga grupet për të drejtat e njeriut dhe nga ekspertët e Kombeve të Bashkuara që kanë kërkuar nga Irani të ndalë persekutimin dhe ngacmimin e minoriteteve fetare.
Sipas organizatës Iran Human Rights, në Iran vetëm gjatë këtij viti janë ekzekutuar 205 persona, shumica e tyre nën akuza që lidhen me drogë. Më shumë se 40 persona, që janë ekzekutuar në dy javët e fundit, i përkisnin minoritetit etnik baluç.
Në mars, Amnesty International akuzoi Iranin se po ekzekuton anëtarët e grupeve të minoriteteve etnike dhe po përdor ekzekutimin si “mjet për shtypje”.REL
Lajme të tjera
-
Rafael Grossi paralajmëron Iranin se me rikthimin e Trump po mbyllet dritarja për bisedime bërthamore
14 Nëntor, 13:43 -
SHBA, zbulohet spiuni që ia dha Iranit planet sekrete të Izraelit! Ishte agjenti i CIA-s dhe jo konsulenti i Pentagonit
14 Nëntor, 11:27 -
Presidenti i Iranit flet me kreun e Agjencisë Ndërkombëtare të Energjisë Atomike: Do të zgjidhim paqartësitë në planin bërthamor
14 Nëntor, 07:08 -
Irani komplot për të vrarë Trump para zgjedhjeve? Ministri i Jashtëm iranian: Lajm i fabrikuar! Respektojmë zgjedhjen e popullit amerikan
9 Nëntor, 18:30 -
Fitorja e Trumpit i shkakton drithërima Iranit
9 Nëntor, 09:13 -
Irani komplot për të vrarë Trump para zgjedhjeve, FBI prishi planin e Teheranit! Elon Musk merr pjesë në bisedën telefonike mes Trump dhe Zelensky
8 Nëntor, 19:22 -
Wall Street Journal: Trump do të rrisë në mënyrë drastike sanksionet kundër Iranit!
8 Nëntor, 15:00 -
Irani: Trump duhet të korrigjojë politikat e gabuara të SHBA-së në të kaluarën
7 Nëntor, 09:20 -
Lindja e Mesme e përçarë rreth zgjedhjes së Presidentit Trump
6 Nëntor, 21:45 -
Irani e cilëson si 'destabilizues' dislokimin e bombarduesve amerikanë
4 Nëntor, 14:45 -
Udhëheqësi suprem i Iranit kërcënon Izraelin dhe SHBA
2 Nëntor, 16:50 -
Gjermania thotë se do t’i mbyllë 3 konsullata iraniane, pas ekzekutimit të shtetasit gjermano-iranian
1 Nëntor, 09:04
