Irani lëshoi mbi 300 dronë e raketa, Ushtria izraelite: "99% e sulmit të Iranit u zmbraps: Vetëm disa raketa goditën bazën ajrore Nevatim

Raketa e Iranit kapen në qiellin e Jeruzalemit

Zëdhënësi i Forcave të Armatosura izraelite, kundëradmirali Daniel Hagari, konfirmoi se 99% e 300 raketave dhe dronëve të lëshuar nga Irani kundër Izraelit gjatë natës u kapën dhe u rrëzuan nga mbrojtja ajrore.

'Të gjitha raketat dhe të gjithë dronët u kapën përpara se të arrinin në territorin izraelit, shtoi ai.  Vetëm "një numër i vogël" raketash arritën në territorin e vendit, tha zëdhënësi i Forcave të Mbrojtjes të Izraelit, kundëradmirali Daniel Hagari.

Konkretisht u lëshuan 170 dronë, shpjegoi ai por asnjë prej tyre nuk arriti në hapësirën ajrore izraelite: Të gjithë u rrëzuan jashtë kufijve të vendit nga Izraeli dhe aleatët e tij. 

As 30 raketat e lundrimit nuk arritën të hynin në hapësirën ajrore izraelite. 25 u rrëzuan nga Forcat Ajrore izraelite. Më pas u lëshuan 120 raketa balistike. Vetëm disa nuk u interceptuan nga mbrojtja izraelite duke goditur bazën ajrore Nevatim në Izraelin jugor, por dëmet janë të vogla dhe baza vazhdon të jetë rregullisht funksionale. Sa i takon dronëve të lëshuara nga Iraku dhe Jemeni, asnjë nuk arriti në hapësirën ajrore të shtetit hebre.

Rreth 170 dronë, më shumë se 30 raketa lundrimi dhe më shumë se 120 raketa balistike u lëshuan në Izrael nga Irani, tha ai, shumica dërrmuese të kapura nga Forcat Ajrore izraelite dhe "partnerët" izraelitë.

Lajmi kryesor:

Irani sulmon me mbi 300 dronë e raketa Izraelin! Kabineti izraelit i luftës: Nuk kundërpërgjigjemi tani! Udhëheqësi iranian: Jerusalemi do t'i përkasë myslimanëve

S.G/Shqiptarja.com

TAG:
• irani sulmon izraelin
• SHBA
• iran
• Izrael