Hakerat iranianë duket se nuk do të ndaleshin në sulmin kibernetik të sistemeve të shërbimeve online, por kishin plane për sulme terroriste ndaj Shqipërisë. Nuk është saktësuar mënyra që do të përdorej për kryerjen e sulmit dhe objektivi i mundshëm, por nga një sulm i tillë mund të dëmtoheshin shumë njerëz, ndërmjet tyre shtetas shqiptarë.
Në dosjen e ‘Inside Story’ thuhet se MEK e stacionuar në Manëz ishte objektivi kryesor i sulmit. Grupi i vëzhgimit” planifikonte fotografimin dhe filmimin e këtyre drejtuesve të MEK, automjetet dhe targat e tyre. Grupi i vëzhgimit mendohet se përbëhej nga disa ish-anëtarë të organizatës MEK të cilët kanë kaluar në krahun e kundërt dhe janë vënë në shërbim të regjimit iranian. Këta persona kanë qenë në survejim të vazhdueshëm nga strukturat inteligjente shqiptare siç zbulohet në dosjen hetimore.
Grupi i personave që flisnin turqisht kanë pasur mbështetje të gjerë në terren nga të tjerë persona me detyra të ndara qartazi. Përgjatë pranverës së vitit 2018 në Shqipëri janë futur edhe personazhe të tjerë që kanë pasur mision vëzhgimin e objektivave që do të eliminoheshin fizikisht.
“Në periudhën 16-18 Mars 2018, një shtetas austriak, i lindur në Iran, i quajtur Erwin ARAMI ka qenë në Shqipëri, duke punuar së bashku me disa individë të tjerë, me origjinë nga Irani, dyshohet për të kryer mbikëqyrje të fshehtë, “grup vëzhgimi” për interes të Forcave QODS, në drejtim të disa individëve dhe vendndodhjeve të organizatës MEK”, thuhet në dosje.
Referuar të dhënave në dosjen hetimore, shtetasi austriak Erëin Aram, lindur më 13.07.1974 në Teheran, ka hyrë në territorin e Shqipërisë nga pika e kalimit kufitar në hanin e Hotit. Mendohet se identiteti i tij është Naghash Zadeh dhe me shumë e gjasa ka ndërruar emrin ligjërisht në Austri, duke e kthyer në ARAM në vitin 2016. Ky person është larguar nga Shqipëria më 18 mars 2018. Ai kishte si objektiv edhe sigurimin e informacioneve për liderin kryesore të MEK dhe ishte i lidhur me Gardën Revolucionare, ishte i lidhur me Kudsin.
Sipas informacioneve të Antiterrorit, kishte indicie se, “grupi i vëzhgimit” kishte në vëmendje dy vendndodhje të MEK në Shqipëri, konkretisht kampi në Manzë, dhe vendi i akomodimit të tyre në Vaqarr. Ekipi ishte i përqëndruar në marrjen e informacioneve rreth lidershipit të MEK, përkatësisht Maryam Rajavi, Javad Khorsan, Hasan Nay Aeb-Agha dhe Sadigheh Hoseini.
Kujtojmë se Shqipëria ra pre e sulmeve kibernetike nga Irani në një kohë të shkurtër brenda pak muajve! Sulmi i parë kibernetik ndodhi në mes të muajit korrik të këtij viti, ku u sulmuan portalet shtetërore të shërbimeve online, të cilat nuk funksionuan për 4 ditë. Si rezultat i hetimeve që u bë nga ekspertët shqiptar, por edhe nga vendet aleate, u dol në përfundimin se ishte Irani që financoi sulmin. Ndërsa më 10 shtator, u sulmua sistemi TIMS. Pas sulmit më 15 korrik, Kryeministri Edi Rama njoftoi ndërprerjen “me efekt të menjëhershëm”, të marrëdhënieve diplomatike me këtë shtet, për shkak të këtij sulmi.
Lajme të tjera
-
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Avioni ushtarak amerikan rrëzohet në Detin e Kuq, dyshohet se ishte aksidentale
22 Dhjetor, 10:31 -
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Ligjbërësit iranianë kërkojnë ndryshimin e projektligjit të rreptë për hixhabin
18 Dhjetor, 15:09 -
Presidenti i Iranit bllokon ligjin ‘drakonian’ për hixhabin
15 Dhjetor, 19:47 -
Sfidoi regjimin iranian, arrestohet këngëtarja që mbajti koncert pa hixhab
15 Dhjetor, 09:28 -
Damask/ Udhëheqësi i rebelëve al-Jolani: Izraeli nuk ka më justifikime për sulme në Siri
14 Dhjetor, 18:46 -
Ish-gazetari i REL dënohet me 10 vjet burg në Iran
14 Dhjetor, 15:48 -
Iran, këngëtarja thyen rregullat fetare, regjistron koncert pa hixhab (VIDEO)
13 Dhjetor, 12:49 -
Moska: Bashar al-Assad strehohet në Rusi! Irani: Terroristët do të sulmojnë Irakun
11 Dhjetor, 07:40 -
Rënia e Assadit, goditje për ndikimin e Iranit dhe Rusisë, rrezik ardhja e islamistëve ekstrem në Siri
9 Dhjetor, 17:21 -
Irani urdhëron evakuimin e personelit diplomatik dhe ushtarak nga Siria
7 Dhjetor, 08:37
