Irani sulmoi Izraelin/ Shqipëria evakuon 15 persona, tre prej tyre nga Kosova! 13 turistë u larguan mbrëmë nga Jordania

Irani sulmoi Izraelin/ Shqipëria evakuon 15 persona, tre prej tyre nga Kosova! 13 turistë u larguan mbrëmë nga Jordania

Qytetarët shqiptar duke u kthyer në atdhe

Pesëmbëdhjetë shtetas shqiptarë, mes të cilëve tre nxënës nga Kosova që ndodheshin në Izrael në kohën kur Irani kreu sulm ndaj Izraelit natën mes 13 - 14 prillit,  do të kthehen mbrëmjen e së hënës, 15 prill. 

Përmes një postimi në Facebook, ministri i Jashtëm Igli Hasani njofton se qytetarët shqiptarë që kishin shkuar në Lindjen e Mesme për arsye puna apo turistike janë shëndoshë e mirë dhe po vijon puna për kthimin e tyre në atdhe.

10 nxënës që studiojnë në shkollat ndërkombëtare në Izrael, 7 prej të cilëve nga Shqipëria dhe 3 nga Kosova, së bashku me 5 punonjës të Ministrisë së Turizmit dhe familjarë të tyre, kanë mbërritur në Qipro dhe sot në mbrëmje udhëtojnë drejt Tiranës e Prishtinës. 

Gjithashtu 13 turistë janë larguar mbrëmjen e djeshme nga Jordania. 

'Qytetarët shqiptarë, që udhëtuan javën e kaluar për arsye pune apo turistike në Lindjen e Mesme janë shëndoshë e mirë.

Prej mbrëmjes së të shtunës, përmes koordinimit të pandërprerë me ambasadat e Republikës së Shqipërisë në Izrael e Egjipt, nisëm punën për të organizuar kthimin e të gjithë qytetarëve shqiptarë, fluturimet e të cilëve u anuluan për shkak të situatës së tensionuar në rajon. 

10 nxënës që studiojnë në shkollat ndërkombëtare në Izrael, 7 prej të cilëve nga Shqipëria dhe 3 nga Kosova, së bashku me 5 punonjës të Ministrisë së Turizmit dhe familjarë të tyre, kanë mbërritur në Qipro. Sot në mbrëmje të 15 qytetarët që u larguan nga Tel Aviv udhëtojnë drejt Tiranës e Prishtinës. 

Po punohet për kthimin në atdhe edhe të dy qytetarëve, të cilët nuk mundën dot të përgjigjeshin në telefon të djelën, ndërsa përgatitej fluturimi i rradhës.

Ndërkohë, 13 turistë shqiptarë janë larguar mbrëmjen e djeshme nga Jordania, e prej disa orësh janë pranë familjeve të tyre në atdhe.

Mirënjohje diplomatëve të Republikës së Shqipërisë në Izrael e Egjipt, të cilët ndihmuan dhe asistuan qytetarët në këto orë të vështira.', shkruan ministri Hasani në Facebook.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 16/04/2024 02:08

    Shume mire qe interesoheni per qytetaret shqiptare qe te rikthehen ne atdhe,po per ata izraelite e izraelito-shqiptare qe linden,u rriten e qendruan ne Shqiperi pas LIIB e qe pas 90'zgjodhen te shkonin ne Izrael,jeni interesuar valle per fatin e tyre ne keto kohe te veshtira??

    Përgjigju
  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Rienergjizimi i PS-së/ Rama zhvillon takimin e dytë me të rinjtë e Akademisë Politike

Rienergjizimi i PS-së/ Rama zhvillon takimin e dytë me të rinjtë e Akademisë Politike