Irani të hënën shfaqi gatishmëri për hapjen e një kanali të drejtpërdrejtë diplomatik me Shtetet e Bashkuara dhe diskutimin e marrëveshjes bërthamore, njoftoi agjencia shtetërore e lajmeve IRNA.
Ndërsa diskutimet mbi marrëveshjen me fuqitë botërore janë duke u zhvilluar, sinjalizimi i pozicionit të tij të ri nga Irani shoqërohet me një parakusht – që rifillimi i dialogut me Uashingtonin duhet të kalojë në një marrëveshje të mirë. Në vitin 2018, udhëheqësi suprem i Iranit, Ayatollah Ali Khamenei, i cili ka fjalën e fundit për të gjitha çështjet shtetërore, ndaloi çdo negociatë me SHBA-në, duke thënë se negociatat me Uashingtonin do të dëmtonin Teheranin.
Megjithatë, në fillim të këtij muaji, Khamenei në mënyrë indirekte i dha dritën jeshile ekipit negociator iranian për të biseduar me SHBA-në dhe tha se negociimi dhe bashkëveprimi me armikun nuk do të thotë dorëzim. IRNA citoi ministrin e Jashtëm iranian Hossein Amirabdollahian të thoshte, "nëse arrijmë një fazë në procesin e negociatave ku nevoja për një marrëveshje të mirë me një garanci të lartë është të kemi një dialog me amerikanët në një nivel, ne nuk do ta injorojmë atë".
![](https://shqiptarja.com/template/img/NO_ALFA_Kuadrate shqiptarja.png)
Irani dhe fuqitë botërore kanë filluar një raund tjetër të bisedimeve bërthamore në Vjenë, Austri, me qëllim shpëtimin e marrëveshjes bërthamore të 2015-ës. Takimet përfshijnë të gjithë nënshkruesit e mbetur të marrëveshjes – Iranin, Britaninë, Francën, Gjermaninë, Rusinë dhe Kinën.
SHBA ka marrë pjesë në mënyrë indirekte në bisedimet në vazhdim, sepse u tërhoq nga marrëveshja në vitin 2018 nën presidentin e atëhershëm Donald Trump. Presidenti Joe Biden ka sinjalizuar se dëshiron t'i bashkohet sërish marrëveshjes.
Trump më vonë rivendosi sanksione dërrmuese ndaj Iranit. Që atëherë Teherani ka filluar pasurimin e uraniumit deri në 60% pastërti - një hap i shkurtër teknik nga 90% e nevojshme për të bërë një bombë atomike. Sekretari amerikan i Shtetit Antony Blinken tha javën e kaluar se bisedimet me Iranin mbi programin e tij bërthamor janë në një "moment vendimtar" dhe paralajmëroi se Uashingtoni dhe aleatët e tij mund të ndryshojnë taktikat nëse një marrëveshje nuk arrihet në javët e ardhshme. Blinken tha se sa më gjatë që Irani të mos përmbushë marrëveshjen e Vjenës të vitit 2015 – që synon të frenojë programin bërthamor të Teheranit – aq më afër do të jetë në gjendje të ndërtojë një armë atomike. Irani këmbëngul se programi i tij bërthamor është paqësor. Por largimet e vendit nga detyrimet e tij sipas marrëveshjes së 2015 kanë alarmuar Izraelin dhe fuqitë e tjera botërore.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)