POP 5

Lajmet më të lexuara të 5 minutave të fundit

Kronikë

Ish-deputeti Mark Frroku, hetim
 pasurisë me ligjin “Antimafia”

Prokuroria për Krime të Rënda do të fillojë gjatë kësaj jave hetimin pasuror për të pandehurin Mark Frroku, ish-deputet. Prokuroria e Përgjithshme, pasi ka dorëzuar në Gjykatën e Lartë kërkesën për gjykim për të pandehurin, të akuzuar për vrasje; fshehje pasurie; pastrim të produkteve të veprës penale dhe ndërtim të paligjshëm, i ka kaluar për kompetencë Prokurorisë për Krime të Rënda hetimin pasuror, duke qenë se kjo strukturë është përgjegjëse për zbatimin e ligjit “Antimafia”.
Ish-deputeti Mark Frroku, hetim<br /> pasurisë me ligjin “Antimafia”
Prokuroria për Krime të Rënda do të fillojë gjatë kësaj jave hetimin pasuror për të pandehurin Mark Frroku, ish-deputet. Prokuroria e Përgjithshme, pasi ka dorëzuar në Gjykatën e Lartë kërkesën për gjykim për të pandehurin, të akuzuar për vrasje; fshehje pasurie; pastrim të produkteve të veprës penale dhe ndërtim të paligjshëm, i ka kaluar për kompetencë Prokurorisë për Krime të Rënda hetimin pasuror, duke qenë se kjo strukturë është përgjegjëse për zbatimin e ligjit “Antimafia”.

Në këtë mënyrë, krahas akuzave të ngritura nga Prokuroria e Përgjithshme, tashmë ish-deputeti Mark Frroku do t’i duhet të justifikojë pasuritë e vendosura, për të cilat janë krijuar dyshime të arsyeshme se janë të prejardhura nga aktiviteti i tij kriminal të trafikut të lëndëve narkotike dhe shfrytëzimit të prostitucionit në vitet 1998-2002 në Belgjikë dhe Hollandë.

Nga hetimet e Prokurorisë së Përgjithshme, për të cilën ka dorëzuar dosjen në gjykatën e lartë në 16 dhjetor 2015, ka rezultuar se i pandehuri Frroku ka fshehur mbi 2 milionë dollarë, ndërkohë që nuk rezultojnë burime të ligjshme edhe për pasuri të krijuara më parë, në vlerë rreth 700 mijë euro. Pikërisht për këto shuma, pra për fshehjen dy milionë dollarë dhe pasurinë rreth 700 mijë euro të krijuara më parë, por edhe për të tjera pasuri, tashmë ish- deputetit Frrokut do t’i duhet t’i justifikojë me burime të ligjshme në hetimin që do të zhvillohet në Prokurorinë për Krime të Rënda. Ndërkohë, në dosjen e dorëzuar në Gjykatën e Lartë, për akuzën e vrasjes, gjendet edhe një element interesant hetimor, i papublikuar deri më tani.

Nga hetimet ka rezultuar se në vitin 2013, i pandehuri Mark Frroku, gjatë kohës që kishte shpallur kandidaturën si deputet për Kuvendin e Shqipërisë, ka organizuar në varrezat e vjetra katolike të qytetit të Shkodrës, të quajtura Rrmajet, një ceremoni në formën e bërjes së “Besë”, bazuar në të drejtën zakonore. Në këto varreza është varri i të ndjerit Aleksandër Kurti, për të cilin akuzohet Frroku dhe 3 persona të tjerë.I pandehuri Mark Frroku ka kërkuar që në ceremoninë e “Be-së” të merrnin pjesë edhe të afërm të viktimës dhe për këtë arsye i ka kërkuar xhaxhait të viktimës që të jetë pjesëmarrës.

Por në këtë ceremoni nuk ka marrë pjesë asnjë nga të afërmit e të ndjerit Aleksander Kurti. Për ceremoninë e bërjes së “Be-së” ështe mbajtur edhe akti i saj, i cili është administruar nga Prokuroria e Përgjithshme në funksion të këtij hetimi.Në këtë ceremoni ka marrë pjese edhe i pandehuri Kristjan Marinaj, shtetasi Lekë Qafa, që është babai i të dënuarit nga drejtësia belge Bib Qafa, si bashkëpunëtor në vrasjen e shtetasit Aleksandër Kurti. Ndërkohë, rezulton se në këtë ceremoni nuk ka marrë pjesë shtetasi Aleks Vukaj dhe as familja e tij. Edhe shtetasi Vukaj është dënuar nga drejtësia belge si bashkëpunëtor në të njëjtin krim.

Redaksia online
(s.m/shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Polarizimi politik në Ballkanin perëndimor dhe Europën lindore, studiuesit theksojnë rreziqet

Polarizimi politik në Ballkanin perëndimor dhe Europën lindore, studiuesit theksojnë rreziqet

21 Mars, 22:50