TIRANË- Ish Kryeministri Italisë Romano Prodi merr titullin “Honoris Causa” nga Universiteti Mjekësisë në Shqipëri. Sipas tij, BE është e vonuar me integrimin e vendit tonë dhe Ballkanit Perëndimor. Sipas tij, BE duhet jetë ndërmjetësues i paqes në botë.
“Shqipëria dhe Ballkani Perëndimor duhet të ishin integruar dje në Bashkimin Europian, sot jemi vonë”. Kështu u shpreh Romano Prodi, ish kryeministër i Italisë, i cili në një prononcim për Report Tv, tha se lufta në Ukrainë ka vendosur në hije zgjerimin e familjes e europiane, duke vendosur në fokus krizën energjetike, sigurinë dhe inflacionin.
“Europa është e vonuar tek zgjerimi. Situata në Ukrainë ka nxjerr në pah problematika të tjera. Nuk është se zgjerimi është shpikje. Vendosëm disa rregulla, negociohet dhe vijohet në këtë rrugë. Ti themi njëri tjetrit, si të përmirësohemi, por nuk mund të presim përfeksion, por bashkëjetesë”- u shpreh ish kryeministri italian.
Prodi u pyet edhe nëse ka pasur ndonjë komunikim së fundmi me ish-kryeministrin Fatos Nano dhe kreun aktual të Partisë Demokratike, Sali Berisha, me të cilët ka bashkëpunuar gjatë. Ai tha se nuk ka zhvilluar takime me ta.
“Jo nuk i kam takuar, pasi ata tashmë janë larguar, siç edhe jam larguar edhe unë në fakt. Berisha në fakt është ende aktiv, por unë kam takuar ata politikanë që përfaqësojnë dhe drejtojnë institucionet shtetërore. Unë kur kam qenë kryeministër i Italisë kam dashur që të bie dakord dhe të kemi komunikime me të dy, si Nanon dhe Berishën, sepse raportin e kemi me popullin shqiptar Edhe kur ka pasur tensione, asnjë herë nuk kam dashur që politikane italianë të vinin dhe të bënin fushatë në Shqipëri, sepse Shqipëria është një vend më vete”, theksoi ai.
Duke nënvizuar transforimin pozitivë të Shqipërisë, që prej 1997’, kur mbërriten përmes operacionit “Alba”, Prodi tha se BE kompletohet me integrimin e Shqipërisë dhe Ballkanit.
“Po Shqipëria është gati dhe plotëson kushtet për integrimin në BE. Problematika ka, por probleme ka edhe Italia dhe Gjermania. Bashkëjetesa të ndihmon të përmirësohesh dhe të ecësh përpara. Shqipëria duhet të jetë pjesë e BE. Është një mbyllje e rrethit të historisë. Duhe të kapet momenti dhe mbi të gjitha pasioni me të cilën kërkohet integrimi. Kur është pasioni është momenti duhur. Por, kur ka burokraci, kur ka ngadalësim, aty nisin dhe hijet e euroskepticizmit. Integrimin e Shqipërisë dhe Ballkanit e shoh si një kompletim të Europës”-tha Prodi.
Ai tha se Europa duhet të shërbej si arbitër i paqes në botë.
“BE duhet të jetë arbitri, jo protagonisti i luftës në Ukrainë, se sjemi një potencë si SHBA apo Kina, por duhet të jemi garant të paqes në botë. Ne arritëm të krijonim bashkëjetesën dhe paqen mes vendeve që kanë qenë në luftë mes tyre. Kemi instrumentat dhe dimë si ta ndërtojmë bashkëjetesë. Edhe situata në Ballkan, tensionet duhet ta nxisin procesin e integrimit dhe zgjidhen me bashkëjetesë. Edhe mes Kosovës dhe Serbisë paqja mund të vendoset përmes BE-së. Kemi patur dhe konflikte të tjera. Nuk është parajsë BE, por ka rregulla për të jetuar mirë së bashku ,edhe pse jemi të ndryshëm”- shtoi ai.
I pyetur për emigrimin e shqiptarëve, Prodi tha se në vitin 1997’ lëvizja e shqiptarëve erdhi në kushte emergjence, ndërsa tani është çështja është ekonomike.
“Ai i vitit 1997 ishte moment emergjence. Sot, fatkeqësisht është një emigrim pa fund, që vjen për shkak të mungesës së ekuilibrit. Nga njëra anë kemi një botë të zhvilluar dhe në krahun tjetë kemi një botë të prapambetur. Prandaj duhet të përqafohemi, të ndërtojmë institucione dhe të ndëryshojmë strukturën ekonomike të botës. Është shumë më e komplikuar sot”-përfundoi ish kryeministri i Italisë.
Ish kryeministri i Italisë Romano Prodi dhe ish ministri i arsimit në qeverinë “Draghi” Patrizio Bianchi u vlerësuan nga Universiteti i Mjekësisë me titullin ‘Honoris Causa’. Ish Kryeministri Prodit u prit edhe nga kryebashkiaku Erion Beliaj, i cili i dhuroi Kullën e Sahatit.
Kryetari i Bashkisë së Tiranës, Erion Veliaj priti sot ish-kryeministrin Italian, Romano Prodi, të cilit i dhuroi në shenjë mirënjohje dhe respekti Kullën e Sahatit. Në bisedën që zhvilloi me ish kryeministrin Prodi, Veliaj kujtoi kohën e vështirë të viteve 1997-‘98, kur ai vizitoi Shqipërinë dhe tha se sot është një nder që kthehet sërish në kryeqytetin shqiptar.
Prodi u shpreh i lumtur me ndryshimet e mëdha që ka gjetur sot në Tiranë. “Kam shumë kujtime kur vij në Tiranë sepse kam ardhur këtu në momente ngjarjesh tragjike. Kthehem me një shpirt vëllazëror dhe kur shoh se si kanë ndryshuar gjërat, se sa keni përparuar, është prekëse për mua. Uroj që raportet mes Italisë dhe Shqipërisë të jenë gjithmonë e më të ngushta”, u shpreh ai.
“Është një kënaqësi e jashtëzakonshme që mirëpresim sot një mik shumë të madh të popullit shqiptar, të qytetit të Tiranës dhe të qytetit të Vlorës, ku ai është Qytetar Nderi, kryeministrin e jashtëzakonshëm italian, Romano Prodi - një mik, një vëlla i ditëve të vështira të Shqipërisë. Është kënaqësi e veçantë që Universiteti i Mjekësisë i jep titullin “Honoris Causa”, sepse vërtet kauza e tij ka qenë një kauzë nderi, sidomos në ato ditë të vështira të viteve ‘97-’98, në një tranzicion kur Shqipëria ishte pa shtet dhe ku mbizotëronte kaosi, sidomos në qytete si Vlora, ku dhe rendi publik ruhej në mënyrë të improvizuar. Ato skena epike të ardhjes me helikopter dhe fjalët për të qetësuar situatën e për të dhënë një fije shprese do të ngelen të paharruara edhe për brezin tone, që ishim shumë të vegjël dhe sidomos për brezin e prindërve tanë, që i mbajnë mend ato kujtime”, u shpreh Veliaj.
Lajme të tjera
-
Romano Prodi: Evropa është shumë vonë me zgjerimin, Shqipëria gjithmonë e ka pasur vendin në BE
31 Mars, 21:00 -
Punë me detyrim pas diplomimit për studentët e Mjekësisë, Kushtetuesja: Afati 5-vjeçar nuk është proporcional, Kuvendi 3 muaj kohë të ndryshojë ligjin
25 Janar, 15:27 -
SPECIALE/ Beteja e (pa)përfunduar e studentëve të Mjekësisë
2 Janar, 12:27
-
5 vite punë me detyrim ose 2300 euro viti, Gjykata Kushtetuese pezullon ligjin për studentët e Mjekësisë
14 Nëntor 2023, 14:43 -
Bojkoti i ‘Mjekësisë’ jep efektet e para, studentët i kërkojnë dekanit sezon provimesh shtesë për të kapur kredite për kalimin në vitet pasardhëse
3 Nëntor 2023, 11:06
-
Studentët e Mjekësisë rikthehen pas 4-javësh në auditore: Morëm garanci nga rektori, do na mbështesë deri daljen e vendimit të Gjykatës Kushtetuese
30 Tetor 2023, 08:40
-
‘Duam diplomat tona’, studentët e Mjekësisë sërish në protestë: Qeveria të tërhiqet nga ligji, vazhdojmë bojkotin
26 Tetor 2023, 09:11 -
Studentët e mjekësisë letër rektorit të Universitetit: Asnjë kontratë pa vendosur Kushtetuesja, pedagogët të ndalin presionin
20 Tetor 2023, 13:56 -
Punësimi i detyruar, 30 deputetë të PD në krah të studentëve të mjekësisë, çojnë ligjin në Kushtetuese
18 Tetor 2023, 14:13 -
Mjekët e rinj 5 vite punë në Shqipëri, Vokshi: Ligj diskriminues! Do e ankimojmë në 'Kushtetuese'
14 Tetor 2023, 13:42 -
94 programe studimi rrezikojnë të mbyllen! Në universitetin e Elbasanit 11 degë pa asnjë student! Te Infermieria ezaurohen 99.1% e kuotave
13 Tetor 2023, 16:12
-
'Diplomat peng'/ Studentët e Mjekësisë në 'Frontline': Bojkot deri sa të pezullohet ligji! Koduzi: Shqiptarët pas disa vitesh do vizitohen nga veterinerët
12 Tetor 2023, 22:21
