Ministrja e Arsimit dhe Sportit, Ogerta Manastirliu, ishte në Universitetin e Mjekësisë Tiranë për përurimin e dy investimeve të rëndësishme të financuara nga Ministria e Arsimit dhe Sportit, përmes Agjencisë Kombëtare të Kërkimit Shkencor.
Projektet "Digjitalizimi i Diseksionit Virtual dhe ristrukturimi i Njësisë Laboratorike të Anatomisë" dhe "Digjitalizimi i Njësisë Laboratorike të Histologjisë" janë realizuar me një fond prej rreth 35,5 milionë lekë dhe synojnë modernizimin e laboratorëve të Anatomisë Normale dhe Histologjisë në Fakultetin e Mjekësisë. Këto projekte synojnë të përmirësojnë infrastrukturën didaktike, të rrisin nivelin e mësimdhënies dhe të plotësojnë nevojat e kërkimit shkencor në fushat e Anatomisë së Aplikuar dhe Klinike, si dhe në Histologji-Embrionologji.
“Për ne është shumë i rëndësishëm zhvillimi i aspekteve që lidhen me infrastrukturën e kërkimit shkencor dhe infrastrukturën didaktike, si dhe cilësinë e mësimdhënies. Besojmë që këto tre komponentë janë jetësuar më së miri në politikat e qeverisë shqiptare pranë Ministrisë së Arsimit dhe Sportit. Ne kemi rritur fondet e investimeve për kërkimin shkencor me mbi 40% dhe tashmë shohim të materializuara këto projekte pikërisht në Universitetin e Mjekësisë.
Sfida jonë është të zgjerojmë kapacitetet, duke mbajtur premtimin për 500 kuota të reja për studentët që do të studiojnë në Universitetin e Mjekësisë me standardet më të larta. Do të kemi laboratorë të rinj të financuar nga fondet e Kërkimit Shkencor. Për vitin 2024-2025, janë tre projekte të reja për Universitetin e Mjekësisë, të cilat padyshim do të përmirësojnë cilësinë e mësimdhënies dhe asaj didaktike në formatin praktik,” tha Ministrja e Arsimit dhe Sportit, Ogerta Manastirliu.
Ministrja Manastirliu tha gjithashtu se investimet për zhvillimin e infrastrukturës së kërkimit shkencor janë në fokus të Ministrisë së Arsimit dhe Sportit.
"Vetëm për Universitetin e Mjekësisë, për infrastrukturën dhe për projektet, janë mbi 500 mijë euro të cilat do të disbursohen këtë vit në funksion të zhvillimit të mjekësisë dhe shkencës në vend. Të gjitha këto janë të lidhura me njëra-tjetrën, por mbi të gjitha, janë mundësi për studentët për të qenë më afër ëndrrës së tyre për t'u bërë mjekët e ardhshëm dhe për të pasur aftësi të lidhura me aspektet globale dhe digjitale,” tha Manastirliu.
Ky investim do t’i shërbejë rreth 1300 studentëve të vitit të parë dhe të dytë të programit të studimit Mjekësi e Përgjithshme, si dhe studentëve të Farmacisë, Shëndetit Publik dhe Mjekësisë Dentare. Përveç kësaj, do të përfitojnë edhe rreth 1,000 specializantë në 34 programe studimi specializimesh afatgjata. Ky investim do të lehtësojë gjithashtu procesin mësimor, praktikat mësimore dhe realizimin e punimeve në nivelin "master" dhe "doktoraturë", duke avancuar më tej kërkimin shkencor.
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Fier/ Manastirliu takim me drejtuesit e shkollave: Pezullim deri në zbardhjen e ngjarjes të drejtuesve dhe oficerit të sigurisë të shkollës në Cakran
13 Dhjetor, 19:37 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
