POP 5

Lajmet më të lexuara të 5 minutave të fundit

Politikë

Ish ministri socialist, Agron Duka
kandidat i PR-së në Durrës

Ish-ministri socialist në qeverisjen e Nanos dhe një ndër kandidatët e vendosur në listën e PS në mënyrë surprizuese ka kaluar në krahun e djathtë politike, teksa do të garojë në listën e aleatit më të ngushtë të Berishës, kreut të PR Fatmir Mediu.
TIRANE - Shumë supriza me listat e kandidatëve për deputetë. Ish-ministri socialist Agron Duka do të kandidojë në Durrës, nën siglën e PR. Pak ditë pasi u përfol për kandidimin e tij listat e PS, burime brenda koalicionit të djathtë konfirmojnë për gazetën kandidimin e Dukës në qarkun e Durrësit.

Kreu i PR, Fatmir Mediu konfirmoi për gazetën “Shqiptarja.com” se Duka është emri i zgjedhur i Partisë Republikane për Durrësin. Ndërkohë që formalitetet e fundit pritet të përfundojnë sot, pasi do të ketë një takim të radhës mes Mediut dhe Dukës, duke startuar në këtë mënyrë me këtë ndryshim të madh vetëm një ditë para skadimit të afatit zyrtar të dërgimit të emrave të kandidatëve për deputetë në KQZ.

Me këtë emër të ri në lista, përplasja në qarkun e Durrësit pritet të jetë e ashpër duke pasur parasysh dhe kandidaturat potenciale që do të “zbarkojnë” kryesisht në qytetin brengdetar. Dihet që tek koalicioni i majtë, në krye të listës së kandidatëve për deputetë është Lefter Koka i LSI, ndërkohë që për PS është sekretari organizativ Blendi Klosi.

Ndërkohë që Agron Duka ka zgjedhur aleatin më të madh të Berishës, Fatmir Mediun për të siguruar një vend në Parlament dhe konfirmohet se ka marrë aprovimin e kreut të PR. Por, Duka, si ish-ministër i qeverisë ‘Nano” ka qenë një nga emrat më të akuzuar nga kreu i PD, Berisha.

Duka, biznesmen i njohur, është akuzuar shpesh nga Berisha se monopolizoi tregun në kohën që ishte ministër i Bujqësisë. Ndërkohë që vetëm pak ditë më parë, njeriu që e “nxori” Dukën nga Kuvendi, ministri Olldashi përmendi pikërisht Agron Dukën kur tha se “flisni për vajin e sheqerin e harroni monopolistin, Agron Duka që për 8 vjet monopolizoi sheqerin e vajin".

Por mësohet se me këtë kalim që Duka po bën djathtas te aleati më i ngushtë dhe i palëkundur i Berishës, do t’i heqë kreut të mazhorancës tashmë dhe një element bazë në akuzat ndaj opozitës dhe Ramës, atë të “klanit të Zemunit”, madje dhe të “ngjalave” pasi dihen lidhjet miqësore që Duka ka në krahun tjetër, ku gjendet Lefter Koka që kryeson listën e LSI.

KREU PR

Fatmir Mediu konfirmoi për gazetën “Shqiptarja.com” se Duka është emri i zgjedhur i Partisë Republikane për Durrësin. Ndërkohë që formalitetet e fundit pritet të përfundojnë sot, pasi do të ketë një takim të radhës mes Mediut dhe Dukës.

Shkrimi u botua sot në gazetën Shqiptarja.com (print) 05.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

Vrau me armë ukrainasin e pastrehë tre muaj më parë në Itali, shqiptari arrestohet në Slloveni! Mbante dhjetëra identitete të rremë, i skeduar për krime

10 Janar, 20:43