POP 5

Lajmet më të lexuara të 5 minutave të fundit

Kronikë

Ish-nëpunësit, rekord 2 javë grevë
Qafzezi: Rama bëhu human, bisedo!

Kryetarja e Shoqatës së të Larguarve nga Puna, Nertila Qafzesi ka kërkuar dialog me kryeministrin Edi Rama, ndërsa kjo së bashku me 15 të tjerë të larguar nga puna prej 14 ditësh janë në grevë urie në çadrat e ngritura përbri Kryeministrisë. 28 zjarrfikës të Kukësit, të larguar nga puna janë solidarizuar me grevistët.
Ish-nëpunësit, rekord 2 javë grevë<br />Qafzezi: Rama bëhu human, bisedo!
TIRANE – Kryetarja e Shoqatës së të Larguarve nga Puna, Nertila Qafzesi ka kërkuar dialog me kryeministrin Edi Rama, ndërsa kjo së bashku me 15 të tjerë të larguar nga puna prej 14 ditësh janë në grevë urie në çadrat e ngritura përbri Kryeministrisë.
 
“Ne jemi prej 14 ditsh në greve dhe masakra në administratë vazhdon. Ndërsa ne presim të dialogojmë, vazhdojnë largimet. Ne i bëjmë thirrje kryeministrit që të respektojë ligjet, vendimet e gjykatave. Bisedoni me grevistët, bëhuni i përgjegjësh dhe human zoti kryeministër, gjendja e grevistëve është e rënduar. Ne nuk e bëjmë këtë sakrificë për vetën tonë, por për të ardhmen e fëmijëve tanë”, tha Qafzesi.
 
Ndërkohë dhe 28 zjarrfikës të Kukësit, të larguar nga puna janë solidarizuar me grevistët.

ish te perndjekurit
(Në Foto: Zjarrfikësit e larguar që mbështetën grevën dhe kauzën e ish-nëpunësve)

GERVA E URISE DHE ZHVILLIMET NGA NISJA E SAJ
Që prej nisjes së grevës situata është karakterizuar me përplasje me policinë, sa i përket lejes për grevë dhe ngritjen e çadrave në lulishten e Piramidës.  E nga ai moment grevistët, kryesisht anëtarë të Shoqatës së të Larguarve nga administrata dhe ish-policië, janë larguar e janë rikthyer në shumë raste në çadra. Daljet nga çadrat kanë ndodhur për shkak të përkeqësimit të gjendjes së tyre shëndetësore, ndërsa pas marrjes së ndihmës në spital, grevistët i janë rikthyer sërish kauzës së tyre. Janë dy cadra të cilat janë ngritur përbri kryeminsitrisë, ndërsa pranë tyre ndodhet e stacionuar një ambulancë për cdo rast emergjence dhe ndërlikimi të shëndetit.

Prej nisjes së saj greva u karakterizua nga nota të forta politike për shkak të mbështetjet që Partia Demokratike i dha kësaj greve.

Të shkarkuarit nga administrata shtetërore vazhdimisht janë vizituar nga ish-kryeministri Berisha, lideri demokrat Lulzim Basha, deputetë të Partisë Demokratike, ndërsa edhe në ditën e 14 qytetarë kureshtarë ndalojnë të shohin zhvillimin e kësaj greve.

Qëndrimi i qeverisë është shprehur si nga kryeministri Rama edhe nga ministri i Mirëqenies Sociale dhe Rinisë Erjon Veliaj, të cilët kanë deklaruar se kauza e tyre nuk qëndron, pasi largimet e tyre nga puna kanë ndodhur ndër të tjera, për shkak se nuk kanë arsimin përkatës dhe kanë rezultuar me shkelje. Vetë drejtuesja e grevës, njëherësh kryetare e Shoqatës së të larguarve nga administrate, Nertila Qafzezi, rezulton me 5 paralajmërime për shkelje të etikës në punë në kohën e Partisë Demokratike.
 
Por veç këtyre zhvillimeve, greva e urisë ka hedhur hije të forta dyshimi mbi faktin nëse ish-nëpunësit po qëndrojnë realisht pa ushqim. Ishte konflikti i krijuar me disa të larguar të Bashkisë së Tiranës nga Lulzim Basha, çka nxorri në pak “forcën” e grevistëve. Tentativa e tyre për t’u bashkuar në çadra bashkë me të larguarit e tjerë, është pritur me shkelma e shkulje flokësh nga drejtuesja e grevës, Nertila Qafzezi, e cila në 10 ditë grevë urie, “përballi” dhe forcat e policisë, për të goditur një prej të larguarave të Bashës.

Paralelisht me këtë grevë, zhvillohet dhe ajo e ish-të përndjekurve politikë, e dyta e kësaj kategorie të shoqërisë, pas asaj të tetorit të 2012-ës. Ata janë vendosur prej 6 ditësh në dy çadra të instaluara përbri Parlamentit dhe pranë godinës të Institutit të ish-të burgosurve politikë, ku përmes kësaj greve, ndër të tjera, kërkojnë dëshmëpërblimin brenda dy viteve të qeverisjes Rama, për vitet e burgut në kohën e regjimit komunist.

Redaksia Online
(Greta Malaj/ Shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51