TIRANE - Greva e ish-të përndjekurve politikë ndodhet sot në ditën e 6 të saj ku 14 prej tyre ndodhën në çadrën e urisë ndërsa 3 të tjerë ende në spital për trajtim mjekësor.

Në orët e para të mëngjesit të sotëm grevistët kanë bllokuar derën e Institutit të ish-të përndjekurve për shkak se drejtori juridik i këtij instituti Orkid Spahiu ka etiketuar sipas tyre në media disa prej tyre si bashkëpunëtorë të ish-sigurimit të shtetit.

Ndërkaq gjendja e tyre shëndetësore vjen duke u rënduar, ndërsa vetë ata kanë përsëritur disa herë se nuk do të tërhiqen nga greva deri në realizimin e kërkesës së tyre, marrjen e dëmshpërblimeve brenda dy viteve të qeverisjes. Pranë tendës së grevës, qëndron një autoambulancë për rastet e përkeqësimit të shëndetit të grevistëve. 

Greva e te perndjekurve me logo
(Në foto: Pamje nga greva e urisë së ish-të përndjekurve politikë) Foto të tjera

Dy ditë më parë televizioni A1 Report, bëri publike një video e cila tregonte financuesin e PD, Arben Ibroja duke shpërndarë para një personi misterioz, pranë tendës së grevës së ish-të përndjekurve duke hedhur dyshime për një grevë të financuar nga PD

Ndërkohë lidhur me grevën e urisë, Ministri i Mirëqënies Sociale Erion Veliaj ditë më parë u shpreh se do të negociojë vetëm me ish-të përnjekurit e vërtetë dhe jo me Fatmir Hoxhën i cili sipas ministrit ka marrë dëmshpërblime në vlerën 39 milionë lekë pa bërë asnjë ditë burg, duke shtuar se ndaj tij ka edhe një kallëzim penal për vjedhje. 

Greva e te perndjekurve me logo
(Në foto: Pamje nga greva e urisë së ish-të përndjekurve politikë) Foto të tjera

Redaksia Online
(e.c/shqiptarja.com)